Page 10 - ttc sept 17,2015
P. 10
“Minister Otmar Oduber, nos espacio aereo no ta na benta!”
Publication: Thursday, 17 September 2015. Categoria: Politica
Chris Romero, parlamentario di MEP:
ORANJESTAD (AAN): Den conferencia di
prensa di dialuna ultimo nos fraccion a elabora ariba espacio aero di nos pais. Nos por mira un
otro acto cuestionabel encuanto nos autonomia un bes mas, pero e biaha aki mi ta referi na nos
espacio aereo.
Ta asina cu Minister Otmar Oduber tabata na punto di bolbe comete un otro eror, door di entrega
un parti di nos espacio aereo. Esaki ta debi cu na 2010 el’a firma un protocol contra tur conseho
y asina entrega nos espacio aereo na Curaçao. Cual por cierto un protocol cu ainda ta valido y
por keda ehecuta na cualkier momento.
Protocol 2010: Cada un di e islanan ABC tin nan mesun espacio aereo pa locual ta trata
acercamento di avionnan, cual porcierto Aruba ta cobra un suma cerca e aerolinianan. Curaçao
ya caba ta controla Boneiro su espacio aereo, y si ehecuta e protocol aki lo haci cu Curaçao lo
controla espacio aereo di Aruba tambe. Den tur e islanan ABC, Aruba ta esun cu ta produci mas
vuelo. Pueblo mester ta informa cu un protocol a worde firma na 2010 y ta encera entre otro cu
Curaçao lo a bin cu un organizacion cu lo a controla Aruba su espacio aereo cu consecuencia cu
nos lo perde control di nos propio espacio aereo. Esaki ta nifica cu e protocol aki ta duna
Curaçao control pa maneha Aruba su espacio aereo na nan antoho. Actualmente e protocol aki ta
riba un “stand by”, pero e ta completamente valido y por keda ehecuta libremente.
Perdemento espacio aereo: Aparentemente no mucho dia pasa, pa ta exacto dia 1 di September
2015 Gobierno tabata tin e intencion di haci un “try out” pa cu e protocol aki. Mi ta puntra mi
mes ki intencion Gobierno di Aruba tin tras di e decision di haci e “try out” aki? E ta un hecho cu
afiliando Aruba na e organizacion aki ta nifica cu lo tin di bay sigui regala mas parti di nos
autonomia na paisnan den Reino Hulandes.
Si dado caso gobierno di Aruba dicidi cu lo bay over na permiti cu e organizacion aki controla
nos espacio aereo, esey lo nifica tambe cu algun trahador Arubiano lo por perde trabao of lo
