Page 11 - ttc sept 17,2015

mester bay biba na Curaçao pa sigui eherce e trabao cu nan tin actual. Pues, si e “try out” aki a
bay door y tur cos bay bon, nos lo perde nos espacio aereo kedando asina cu unicamente toren di
control pa traha cune. Nos tur sa cu Aruba ta depende primordialmente riba turismo. Y si nos
duna Curaçao acceso pa controla nos espacio aereo, esey ta nifica cu nos lo pone nos economia
principal den nan man atrobe.

Situacion inacceptabel: Ora cu e luchtverkeersleidernan a haya e opdracht aki for di Gobierno
pasobra ta minister Otmar Oduber a firma e protocol aki, ta mas cu logico cu nan a rechasa esaki
completamente. Ademas cu nan a tuma nota di e esencia di e “try out” aki, nan a opone
rotundamente y nan a manda un carta back como contesta cu ta contene diferente punto
totalmente valido pa loke nan ta contra dje y a par’e di biaha.

Realidad ta cu e situacion aki ta uno inacceptabel teniendo na cuenta cu e intencion tras di e
protocol aki ta principalmente di kita autonomia di espacio aereo for di Aruba. Tabata for di
2010 cu kier a ehecuta e plan aki pero el’a keda paralisa pa un tempo y awor aki Minister
Oduber, pa medio di su lider di campaña sr. Nilky Kock (Director di ANSA N.V.) kier finalisa e
plan aki pa sigui kita mas autonomia for di nos. Mester remarca cu si e Gobierno di AVP sigui
den rumbo aki, Dios spaar nos pa tocante kico lo resta pa nos hobennan den futuro.

http://www.diario.aw/2015/09/minister-otmar-oduber-nos-espacio-aereo-no-ta-na-benta/