Page 10 - DESPA 20 JAN 2016
P. 10
Dos caso di virus di Zika na Miami
Publication: Wednesday, 20 January 2016. Categoria: General
ORANJESTAD (AAN): Net e siman aki cu Pan American Health Organization ta adverti tur
pais den Continente Americano y Caribe pa ta prepara pa virus di Zika, ata informe a drenta cu
dos caso a keda confirma na Florida.
Florida Department of Health a indica cu dos caso di virus di Zika a keda registra den Miami-
Dade County.
E virus di Zika ta wordo plama pa medio di pica di sangura, y ya caba a cuminza asocia e virus
aki cu defecto ora di nacemento.
E sintomanan mas comun di e virus di Zika ta keintura, rash, dolor di musculo, y wowonan cora.
En total tin tres caso di virus di Zika na Florida cu a bin debi na biahamento.
Dos ta habitante di Miami-Dade cu a biaha pa Colombia na December.
E di tercer caso ta un habitante di Hillsborough County cu a biaha pa Venezuela na December.
http://www.diario.aw/2016/01/dos-caso-di-virus-di-zika-na-miami/
