Page 12 - DESPA 20 JAN 2016

Salubridad Publico semper ta conseha pa evita di bay pa luganan unda cu tin hopi sangura of uza
repelente. Pero no ta desconseha pa bishita e paisnan cu tin circulacion di virus di zika.

E virus zika ta famia di dengue y chikingunya y ta ocasiona casi mesun sintomanan pero den
forma mas leve. Mayoria ta haya keintura di repente, iritacion di wowo (wowitis) pero sin poes.
Y e ta bini cu color di weso, hopi mas leve compara cu su primonan. Si un muhe na estado ripara
cu el a worde pica door di sangura y a haya keintura, asisti na dokter.

E profesional lo mester sigui e pasonan necesario pa wak si e futuro mama tin zika of no, y si e
tine sigui e resto di embarazo di cerca. Semper un mama infecta cu zika por transmiti esaki pa e
baby.

E sangura cu ta transmiti zika ta e mesun cu ta transmiti dengue y chikingunya. Pues e sangura ta
na Aruba pero e virus no tin na Aruba. E peliger ta e turistanan cu ta bini di e paisnan unda tin e
virus di zika, Colombia, Venezuela, Brazil, Surnam, etc. Den Caribe tin Puerto Rico, Barbados,
St Maarten Frances tin zika. Pues e ta circulando tur rond pafo di Aruba. Un hende por yega
Aruba malo di un pica di e sangura cu a pase e virus di zika.

Si un sangura aki na Aruba pica e persona ey, e sangura ey por transmiti e virus na un persona
local. Pues evita pa tin sangura, ya cu sin sangura no tin transmision. GKMB ta atende e asunto
di elimina di criaderonan, pero mester ayudo di comunidad pa evita cu tin criaderonan. No
solamente na cas, pero na negoshinan tambe mester tira bon bista pa evita criadero.

Mirando cu Aruba no tin ningun caso di virus di zika, Hulanda cu a tuma nota di esaki, lo bay
manda un informe via e canalnan pa rectifica e situacion y cu nos pais no tin ningun caso.
Incluyendo Aruba su nomber, e ta causando un daño innecesario.

http://www.diario.aw/2016/01/no-tin-ningun-caso-di-virus-di-zika-na-aruba/