Page 13 - DESPA 20 JAN 2016
P. 13
Prome caso di Zika na Curacao registra di
forma oficial
on: January 20, 2016In: CuracaoNo Comments
Print Email
Curacao – Kòrsou a registrá su promé kaso di e malesa Zika, di forma ofisial. Ministerio di
Salubridat, Medio Ambiente i Naturalesa ta informá ku a registrá ofisialmente e promé kaso
importá di Zika na Kòrsou.
Konforme investigashon ta trata di un persona ku a biaha pa eksterior i a keda infektá ku e vírùs
di Zika. E kaso importá aki ta konfirmá. For di esaki por asumí ku si tur hende tuma medidanan
di prekoushon, ménos hende lo por keda infektá ku e vírùs di Zika.
Gobièrnu atraves di Epidemiologia i Investigashon di departamentu di Salubridat Públiko
(UOG&Gz) ta trahando huntu ku laboratorionan lokal, dòkternan di kas (CHV) i
spesialistanan.Tin instrukshonnan deliniá ki ora ta manda un pashènt laboratorio i kua prosedura
di tèst ta keda hasí.
Alabes, manera ta konosí, e tim di kontròl di vèktor di departamentu di Higiena Tékniko (ántes
hygiënische dienst) di UOG&Gz lo kontinuá ku programanan di hasi kontròl na kas i edifisionan
den tur bario pa eliminá fókonan di sangura. Ta krusial pa sigui rekomendashonnan di e
téknikonan aki, pa redusí e kantidat di sangura.
Importante ta pa nos tur ta bon informá i nos tur ta partisipá den prevenshon di Zika.
Kiko ta e malesa Zika?
Zika ta un infekshon kousá dor di e vírùs Zika. E vírùs di Zika ta plama via piká di e sangura
Aedes aegypti. Pues, e mesun sangura ku ta transmití e.o. Dengue i Chikungunya ta transmití
Zika tambe.
