Page 24 - MIN ON 8 APRIL 2016

20 AWEMainta Diabierna, 08 April 2016

Riba Dia Internacional di Actividad Fisico,
Minister Michelle Hooyboer-Winklaar:

“Actividad Fisico ta
necesario pa yuda
studiantenan siña
bon na scol”

A bishita Scol Cacique Macuarima

DIARAZON mainta Scol Cacique Macuarima tabata na turno pa

ricibi bishita di Minister di Enseñansa, Michelle Hooyboer-Winklaar,
hunta cu su colega Minister dr. Alex Schwengle, en conexion cu Dia
Internacional di Actividad Fisico.
“Nos a tuma un oportunidad pa bishita un scol saludabel, un scol
cu ta haci hopi riba tereno aki y cu a incorpora e aspecto di un bida
saludabel den tur aspecto di e scol, como tambe riba e parti di movecion
fisico”, Minister di Enseñansa, Michelle Hooyboer Winklaar a declara
durante su bishita diarazon mainta.

Minister di Salubridad Publico, dr. Alex Schwengle, tambe a tuma su
tempo pa papia cu e studiantenan di un klas, riba kico nan ta gusta
come, kico t’e cosnan cu mester tin den un bida saludabel.
Aspectonan manera consumo di awa, nutricion general, consumo
di berdura y fruta, ta tur aspectonan importante den bida di un mucha.
No ta tur mucha gusta berdura of fruta, pero si por tin algo cu bo por
como mayor incorpora den e dieet di un mucha, Minister Hooyboer-
Winklaar a expresa.

Obviamente e parti di actividad fisico a resalta, unda cu por a wak cu
tin asina importancia no solamente riba e parti fisico, pero tambe riba
e aspecto di prestacion di studiante.
Incorporando movecion den un lesuur tin su frutonan pa loke ta trata
e prestacion di e muchanan. Conscientisa y duna scolnan diferente
instrumento pa crea condicionnan optimal pa loke ta trata salad, lo
beneficia tur scol.

“Minister Schwengle ta comparti e vision di e concepto di Scol
Saludabel y nos lo traha hunto pa realisa esaki na mas scol” Minister
Hooyboer-Winklaar a enfatisa.