Page 39 - EXTRA13FEB2016
P. 39
Djasabra 13 Febrüari 2016 39
...Kriadó di bestia Eric Curial...
KRIADONAN DI BESTIA TA SIGUI
LUCHA PA HAÑA HUSTISIA
W I L L E M S TA D . - P a abusu ku el a pasa den na ta e último. Curial ku ta
Eric Curial e desenlase di abbattoir e siman aki, no den direktiva di koperativa
“Kria Tur” a sigui papia
ku redakshon di EXTRA
splikando ku e ta papia pa
hopi agrikultor i kriadónan
di bestia ku pa basta
tempu a bin ta soportá dr.
Dwarkasing su maneho
diktatorial. Curial a bisa
EXTRA ku e tabata traha
na LVV i e sa ku tin un fail
grandi di masha hopi keho
kontra di e veterinario.
“Dia ku tabatin e
asuntu di dioxine den
karni di porko no a duna e
kriadónan di porko e sosten
ku nan tabata meresé. Tin
hopi kos ku nos tur ta
pasa den un di nan sigur
ta ladronisia na granèl di
nos bestianan. No ta hasi
nada pa yuda nos. Ami i
mi ruman tin krio di porko
i kabritu den Mahuma,
pero nos a desgustá ora
nos a ripara ku ladronnan
ta pasa kue karné, kabritu,
porko bai kuné gewon.
Mester yega na un sistema
kaminda ta pone kámara
pa nos tambe. Nos ta traha
pa gana nos pan di dia ku
krio di bestia”, asina Curial
a splika EXTRA.
Nos ta bai reuní ku tur
miembro di koperativanan
pa nos kuminsá aktivá bèk i
lanta nos bos pa sali pa nos
derechinan. En bes di promé
minister Whiteman bai wak
kon pa krea solushonnan pa
koperativismo i agrikultura
krese, el a bira nombra
hendenan di su partido
pa remplasá hendenan
ku semper a hasi un bon
trabou na LVV”,asina Curial
a sigui splika.
Loke e trahadónan mes,
tabata planta mester a hiba
pa kas di ansianonan i el a
baha trahadónan ku tabata
fiel na nan trabou.
Curial tabata ‘Chef
O n d e r h o u d ’ n a LV V.
El a bisa ku aparte di
investigashon ku mester
hasi riba dr. Dwarkasing e
koperativa lo bai eksihí mas
klaridat riba e desishon
di Whiteman tempu ku
e tabatin GMN bou di su
maneho, kiko a pasa ku e
trùknan di awa di LVV. “Mi
sa ku niun hefe no ke papia
nada, pero nos lo apresiá
si Minister Victorina tuma
tur informashon serka su
kolega pa habri oportunidat
pa nos tambe papia pa
yega na solushonnan
konkreto”, asina Curial a
bisa finalmente.
