Page 42 - EXTRA13FEB2016

42 Djasabra 13 Febrüari 2016

Kontinuashon di pagina 40
CONSTANCIA MESTER...

Fundashon Tayer Soshal.
sra. Constancia ku no ta
para pensa, pero ta aktua
impulsivo ta kore hasi sierto
tiradanan ku ta lag’é keda
un biaha mas poko apsurdo
nèt den su último lunanan
den polítika.

Manera e mes a
anunsiá ku pronto e lo
sali definitivamente for
di polítika, Cleopa a kere
ku e lo a ser’é nechi, ser’é
bunita pa asina hende keda
kòrd’é ku tòg apesar ku e
la hañ’é ta tuma desishon
deskabeyá.

Nan lo por keda rekord’é
komo un gran luchadó.
Tabata un bon momentu pa
e sali trankil for di polítika.

Segun Cleopa, e ta
habrí pa sigui yuda sra.
Constancia ku konseho. Si
e ta duda mes, ora nan pidi
pa hasi sierto trabounan,
aserk’é pa su konseho
manera semper el a duna.
Dia ku el a wòrdu detené pa
asuntunan na BZV, segun
Cleopa el a bisa diferente
polítiko ku kier a bai kibr’é
komo hende ku e no ta hasi
polítika ku doló di hende.

Pero su konseho na
Constancia ta pa no lag’é
sigui ser usá, pasobra e echo
ku e ta bandoná polítika nan
ta di opinion ku e no ta un
balor agregá mas pa nan,
pues nan lo sigui us’é pa
e hasi e trabounan ménos
nèchi aki.

“No hasié, bo tin bo
dignidat komo polítiko, i
mas ainda bo tin bo dignidat
komo hende muh’é”, asina
Cleopa a finalisá bisando.