Page 38 - EXTRA13FEB2016

38 Djasabra 13 Febrüari 2016

CLEOPA TA SPLIKA
CONSTANCIA DI SU

PONENSIANAN

WILLEMSTAD.-
Parlamentario sr. Eugene
Cleopa e siman aki a disidí di
reakshoná riba ponensianan
di kolega Jacinta Constancia.
Den su karta Cleopa ta bisa
ku el a tuma nota di un
karta fechá 01 di febrüari
2016 ku parlamentario sra.
Jacinta Constancia a manda
pa Minister di Desaroyo
Sosial, Labor i Bienestar.
Konforme reglamentu di
òrdu di Parlamento ta un
derechi ku ta wòrdu brindá
na parlamentarionan pa nan
hasi pregunta na gobièrnu.

E ta un bon instrumento
pa nan komo parlamentario
hasi nan trabou pa kontrolá
gobièrnu. No ta usual ku un
parlamentario ta reakshoná
riba otro su preguntanan ku
ta wòrdu hasí na gobièrnu,
pero segun Cleopa den e
kaso kaminda ku su nòmber
ta kore komo liñá kòrá den e
karta di aki riba menshoná,
ku informashon totalmente
saká for di nan konteksto,
ta urgí su persona pa e duna
un reakshon korekto basá
riba hechonan.

Si ku tin e intenshon ni
e pretenshon di kontestá
preguntanan dirigí na
Minister di Desaroyo Sosial,
Labor i Bienestar, pero pa
trese e puntonan den un
konteksto korekto e lo bai
duna un splikashon i un
reakshon breve riba algun di
nan ya asina señora minister
no ta kai den e wega di
tiradanan sin base ku nan
a instruí parlamentario Sra.
Jacinta Constancia pa e bin
kuné pa purba konfundí e
pueblo i kita for di bista e
trabounan ku su pèrsona a
bin ta desplegá di un forma
humilde pa e komunidat.

Sueldo mínimo:
Segun Cleopa el a trese
su punto di bista pa subi
sueldo mínimo te na fl.
2.500.- pa luna den fase.
Esaki ta netamente pa trese
un diskushon sano riba
e tópiko aki. Ya el a hiba
kòmbersashon ku diferente
gremio den komunidat ku ta
dispuesto pa diskutí subida
di sueldo mínimo. Tin
diferente partido polítiko
ku tambe a ekspresá nan
opinion ku mester subi
sueldo mínimo i hasta a
bin ku proposishonnan
konkreto.
Evaluashon di lei di
retiro:
E no ke papia di
fleksibilisashon di lei

Sigui lesa pagina 41