Page 7 - HOH

24 COMUNIDAD AWEMainta Diasabra, 30 November 2024

Celebrando e impacto di e bosnan digital

Awe ta Dia di Influencer

DIA 30 di november ta celebra e Dia di Influencer, un fecha

pa reconoce e impacto cu e figuranan aki tin den e sociedad
actual. E influencernan a transforma e mundo di comunica-
cion y mercadeo, convirtiendo den e lidernan di opinion y
referente pa miyones di persona riba e plataformanan digital.

Su alcance ta cubri diferente area, for di moda y beyesa te
na educacion, tecnologia y conscientisacion social.

E influencia di e creadornan aki di contenido no ta midi sola-

mente p’e cantidad di siguido sino p’e capacidad di conecta
cu su audiencia di manera autentico y significativo. Den un
ambiente satura di informacion, e influencernan ta destaca
pa su habilidad pa construi comunidad basa riba interes

comparti y balor comun. Mas leu di promove producto of
servicio, hopi di nan ta uza su alcance pa atende cu tema
importante manera medioambiente, igualdad di genero,
salud mental y bienestar.

E crecemento di e rednan social a duna espacio na un diver-
sidad di bos. E macroinfluencernan, cu miyones di siguido,
tin un impacto masivo den e tendencianan global, mientras
cu e microinfluencernan, specialisa den nichenan concreto,

ta destaca pa su relacion cercano y di confiansa cu su sigui-
donan. Ambos tipo ta hunga un papel esencial den e difi-
usion di idea y den e creacion di contenido relevante p’e
audiencianan specifico.

Dia di Influencer tambe ta invita na reflexiona riba e respon-
sabilidad cu e labor aki ta hiba. Autenticidad, transparencia
y e etica ta balor fundamental pa mantene e credibilidad

den un ambiente digital cu tin biaha por ta cuestiona p’e
falta di regulacion. Promove practica responsabel y fomenta
un contenido cu ta genera un impacto positivo ta obhetivo

clave pa sostenibilidad di e profesion aki.

Riba e fecha aki, nos ta celebra no solamente esunnan cu
ta crea tendencia y entretenimento, sino tambe esunnan cu

ta uza nan plataforma pa genera conscientisacion y cambio
significativo den sociedad. E influencernan no solamente ta
comunica, sino tambe ta inspira, educa y conecta e person-
anan na nivel global.

Feliz Dia di Influencer na tur e creadornan kende cu nan
pasion y dedicacion ta ilumina e mundo digital y mas leu.
E dia aki ta un reconocemento na su esfuerso pa construi

brug entre marca, causa y comunidad den un mundo cada
biaha mas intercontecta.