Page 12 - bon-dia-aruba-20210114

a12 riba caya
Diahuebs 14 Januari 2021

Dama bou influencia a dal Noticia

den un van na Catiri
di Polis

Antisocialnan ta drenta tereno prohibi

Polis mester a presenta na sombre pa un caso di kiebro.

Na yegada e propietario ta duna di conoce cu e la laga e porta di entrada intacto, pero cu
awor a haya esaki kibra y benta abao. Segun e ciudadano tin algun persona den bisindario
ta subi su tereno y e biaha aki nan no por a cera e porta y a kibra esaki. Polis a haci un
control y berdad a bin topa cu e porta di palo tabata mustra cu nan lo a forsa esaki, pero
tur cos riba e tereno tabata intacto.

Homber cu a horta gas cilinder di 20 LBS na Seroe

Janchi ta filma

Polis di Noord mester a bay pa un situacion di ladronicia na Seroe Janchi.

Na yegada polis a papia cu e ciudadano F.F y ta declara unda cu un persona desconoci
pa su persona a bay cu un gas cilinder di 20 LBS for di su cas. Sinembargo e cas tabata
tin video y polis por a tuma nota di e dos personanan cu a bin y a bay cu e gas cilinder di
20 LBS for di su cas. Den e video por a reconoce un di e hombernan y e la duna polis e
datonan di e homber D pa asina investiga y bay haci un bishita na su cas.

Homber ta para su auto na su cas y lanta mainta auto a

disparce

Polis mester a presenta na gielstraat pa un caso di ladronicia. Na yegada di polis
a topa e homber S y a papia cu ne unda cu e ta declara cu e propietario di e auto
blanco di e marca Toyota di e modelo Yaris di aña 2000.
Segun e ciudadano e auto tabata para ocidente di e cas. Sinembargo riba dialuna 11 di
januari 2021 den careda di 10 :30 di anochi e la laga su auto na e mes un caminda y den
bon estado , pero na momento cu e la lanta e sigiente dia un persona mester a bay cu su
auto for di e sitio. Segun e ciudadano den careda di 3 or di madruga berdad e la scuha e
cachonan ta blaf constantemente pero cu no a sali pafo mira kico ta pasando. Polis a tuma
datos y lo laga e departamento concerni haci su investigacion.

Turista a haci entrega di un smart wach na warda pa
siguridad cu su doño hañe

Tur turista cu a mira un smart wach Apple Model Series 5 banda di beach a di-
cidi cu lo haci entrega na esaki na warda di polis canto di beach.

Esaki tabata un bon iniciativa di e turista cu a mira esaki y no a lage bandona y a hiba
warda pa e ta na un sitio mas save na momento cu e propetario haya falta di dje y bay
puntra pe e ta haya su smart wach cu ta den bon man . Esaki a keda mira den besindario
di Blue Residence.

Riba caminda di Catiri pa Moko diamars anochi un dama
bou influencia y tras di stuur di un suzuki blauw a bay den
banda contrario y dal den un van cu ta bende bolo, cookie y
mas. Ambos auto a keda kibra, polis a yega na e sitio y topa cu
e situacion fastioso. E dama tras di stuur su lenga tabata basta
pisa y no sa unda su rijbewijs ta, debi na su estado polis a di-
cidi na detene e dama unda cu e la haya un cuarto gratis pa e
baha su alcohol sin trece peliger riba caminda.