Page 3 - MIN.TTC 17 OCT,2015

Asociacion di Banconan cu tipnan practico pa bo no wordo
horta
Friday, 16 October 2015 20:09

Comparti

Segun Pierre Rafini, presidente di Asociacion di Banconan di Aruba, hackers ta traha tur manera pa yega
na nan meta, cual ta pa scan bo carchi of drenta bo sistema. Loke ABA ta haci ta keda conscientisa pa por
ehempel, ora un hende ta swipe wak pa ningun hende ta bo tras.

Ora bo ta swipe, pone man riba bo man cu ta bezig ta key in bo password. Ora ta traha via laptop, si ta den
un lugar publico, ora bo ta haya acceso na bo sistema bancario online, percura pa no tin ningun hende
para banda dibo of rond dibo. Pierre Rafini a splica cu ainda tin hende ta warda nan password den nan
cartera hunto cu nan carchi. Si e tas of e cartera wordo horta, no solamente e criminal tin acceso na e
Carchi, den e caso aki si ta un debit card, pero si e sigui coba e por haya e pincode tambe di e cliente,
caminda cu e por bay y lanta e placa e ora mas facil.

Cloning tambe ta algo cu sa sosode. ABA ta bisa e clientenan, vooral si ta bay un restaurant, caminda cu e
proceso di pago no ta tuma lugar dilanti dibo, lo ta bon por ta pa bo puntra si no tin un sistema di wifi of
un sistema portatil di pago caminda cu nan por haci e transaccion p’abo na bo mesun mesa, caminda cu
nan no ta bay cu e tarheta y trece bek p’abo. Eynan tambe skimming ta tuma lugar, ora cu ta pasa
informacion di credit card, despues duplik’e y us’e na otro partinan di mundo.

E cliente mes por lanta bay na e punto di pago cu ta remote y hopi biaha si nan no tin esey mes, manera
na un negoshi chikito y despues swipe e Carchi na e caha of na e persona cu ta atende cu pago. Esey ta
algun tip cu por wordo duna segun Pierre Rafini. Bo telefon tambe por wordo uza pa yega na cuentanan
bancario. Percura cu bo telefon tin un pin y ta un pin cu hopi biaha abo so sa. Pasobra tambe tin e
tendencia cu ta share pin di telefon caminda cu tin informacionnan cu despues por wordo maluza y e
cliente ta lamenta.

No ta e sistema di banco ta wordo gehack, sino e computer personal ta wordo gehack door di negligencia
di e cliente y e banco no ta para responsabel pa esaki tampoco.

Ora mira unda tur carchinan di hackers ta wordo uza ta inimaginabel. Tin biaha e clientenan ta wordo
yama pa bisa nan cu nan ta mira transaccionnan na paisnan cu nunca por ta e cliente no ta ni bishita.
Banconan semper ta pidi pa tur hende informa ora nan ta bay biaha un caminda pa banco sa precies.
Asina cu mira un transaccion inusual na un pais cu nan ta kere cu no t’ey, ta bon pa evita cu banco ta
blokia bo carchi pa evita cu tin fraude. Tur caminda rond mundo carchinan ta wordo uza. Por ehempel si
un cliente bay Hong Kong y ta swipe pa paga cuenta, e Carchi no ta blokia y particularmente cu e
diferencia di tempo pa por unblock e Carchi si en caso cu esaki ta blokia. Conseho cu ABA ta duna ta pa
avisa cu ta biaha. Door di tur e casonan di fraude, ta notifica cu e cliente ta esun cu ta esun cu ta haci e
transaccion na cualkier parti di mundo cu bo por ta. E Carchi por wordo uza na tur caminda di mundo,
segun Rafini.