Page 24 - EXTRA 7NOV,2015
P. 24
24 Djasabra 7 Novèmber 2015
Derrel Bruno
DIREKTOR NEW SONG COLLEGE
NEW SONG COLLEGE;
VSBOK KU UN BASE KRISTIAN KU LES NA PAPIAMENTU I INGLES
For di 2011 New Song College a kuminsá funshoná ofisialmente,
despues di 10 aña di preparashon. Un skol ku un base kristian i ku ta
duna lès na papiamentu i ingles. New Song College no ta hasi distinshon
den niun religion pero nan base ta esun kristian. Esaki ta bira New Song
College su di 5 aña eskolar.
Derrel tabata para di klas na otro skol i el a haña un yamada pa por a
asumí e funshon di direktor. Esaki Derrel a pensa bastante mirando ku
e tabata stima su trabou i e tabata kerí kaminda e tabata duna lès. Pero
alfinal el a aseptá e reto
Na New Song College ora e pèrmit a keda kla, ta den un tempu rekòrt
nan a hasi tur e trabounan pa hasi e skol konosí i pa asina kuminsá haña
mucha pa e promé aña eskolar. E base ta e rèspèt pa Dios. Ounke hende no
mirabu Dios ta mirabu. E hóben mester komprondé ku no ta na hende bo ta
duna kuenta pero na Dios. Ni maske bo hasi e kos skondí, pa Dios e no ta
konosí, Si bo hasi un delito penal na tera bo sa ku di un kaminda algu ta
bin, sea polis pero e kastigu ta bin. I dilanti di Dios ta meskos. Mester krea
e temor bek pa Dios. Esaki pasobra e base spiritual a bai kompletamente
pèrdí i nos a los for di dje. Hende a bira mas di focus riba fiesta i a lubidá
ku e tin di traha riba e base spiritual, mener Bruno a splika Djasabra.
I ta e kos aki el a bisa nan ke hinka bek den mucha. E mucha por tira
un atrako masha fásil pasobra e no tin e temor ku si e dal un hende algu,
ku tin un hende ku ta wak e. I tin di bai bek i p’esei New Song College a
lanta. Ora nan ta duna lès i ora nan ta disiplina e hóbennan, ta e base
aki nan ta usa pa hasié.
Pa loke ta e hóben ku ta keda aseptá na e skol, Derrel a splika Djasabra
ku nan ta tuma tur hóben. Ser kristian ta nifiká ku bo mester nifiká algu.
I bo no por nifiká algu pa rumannan so. Ademas nan eksperensia ta ku
hopi hóben no a tuma desishon pa ser kristian, apesar ku nan por ta bini
di un famia kristian. Hopi biaha ta e mayornan a tuma e desishon pero
no a yu ainda. I p’esei mester yuda tur hóben mesun kos. Kisas esun di
famia kristian tin un tiki base, pero kompará ku e otro hóbennan no tin
masha diferensia. Nan ta traha riba tur dos hóben meskos.
Vsbo....
New Song College ta VSBO ku e sektor di ekonomia so. E skol ta na
papiamentu i ingles. Intenshon ta pa den futuro por bai den e direkshon di
ingles mas tantu posibel. Ta intenshon pa e skol por bai traha eksamennan
na ingles, E promé èksamennan a bai na ulandes i pĐesei nan mester a
