Page 26 - EXTRA 7NOV,2015

26 Djasabra 7 Novèmber 2015

Derrel Bruno

DIREKTOR NEW SONG COLLEGE

ta bai den direkshon ku kisas tin di pidi algu na mayornan. Awor aki ta
asina ku e hóbennan asta no ke sinta pafó ora nan ta liber pero ke sinta
den lokal. E ta un gastu grandi pero nan tin di atendé kuné.

Enseñansa liber....
Pa loke ta enseñansa liber Derrel Bruno ta hañĐé bon pero e mayor
tambe mester sinti responsabilidat. I asina no ta bai ta basa riba gobièrnu
so. Mester tin un sistema pa mayor yuda enseñansa desaroyá. Nan ke
desaroyá yen kos i nan tin yen di plan pasobra muchanan ta yen di
habilidat pero nan ta limitá. E enseñansa liber ta bon pero si mayornan
ku por kontribuí enseñansa lo dal pasonan mas grandi. Tambe ta bon
pa pone sistemanan ku ta kontrolá e fluho di sèn ku ta drenta. Derrel
ta konsehá mayornan komo ku e komunidat aki ta konsentrá riba
estudionan akadémiko pa spar sèn pa prepará pa e hóben ku tin di sigui
pa e estudionan ei. Komo enseñansa ta liber por spar e sèn ei pa ora e
hóben tin di bai afó.
170 hóben....
New Song Collleg awor tin mas òf ménos 170 alumno, parti den
gruponan di te máksimo 26 mucha pa klas. Tin 4 klas 1, 4 klas 2, 1 klas
3 i 1 klas 4. E kantidat di dosente ta mas òf ménos 15 i personal ta 22
total. Den regla ta papia di 30 mucha pero esun ku no sinta den klas no sa
kiko esei ta. Por ehèmpel den kuido nan ta pone mas of ménos 15 mucha
pa klas i voral e klas di kuido. Pasobra mayoria biaha ta den e klas ei
problemanan di klas ta drenta.
Edukashon....
Edukashon di e yu ta kuminsá na kas. I e ta bira un problema for di
na kas kaminda e struktura di Dios no tei mas. Sea mama òf tata no tei
i ta huntu por sòru pa e mucha bira unu ku por funshoná bon. Awendia
asta e mama i tata mester traha pareu pa sostené e famia. Ekonomia
ta pone ku henter e sistema ta perhudiká e mucha. Den famia kibra ta
einan ta bin problema ku e mucha. I nan komo dosente tin di bira tambe
mayor tin biaha. Derrel Bruno tin biaha ta kita su pèchi di dosente/kabes
di skol i bisti esun di mayor pa disiplina un hóben. Loke bo sembra bo
ta kosecha, nan ta pone dilanti di e hóben. Derrel ta duna honor i gloria
ta Dios ku nan mes ta hendenan ku Dios a skapa i ku awe nan por yuda
otronan. Tin mucha adikto na pornografia i na droga. Tin mucha ku dado
momentu nan no por hasi nada mas kuné. Pasobra tin biaha si keda ku
e mucha ei ta daña un grupo otro.
Lokalidat.....
New Song College aktualmente na Muizenberg, pega ku iglesia New
Song. Intenshon ta pa nan move di einan, pero segun Derrel Bruno nan
a kustumbrá einan. Nan a hasi diferente adaptashon na e skol aki mes i
komo tal e urgensia di Sali lihé di e edifisio aki no tei mas.