Page 25 - EXTRA 7NOV,2015

Djasabra 7 Novèmber 2015 25

Derrel Bruno

DIREKTOR NEW SONG COLLEGE

kambia klas 3 i 4 algu a ulandes. Di e promé grupo aña pasa ku a pasa
nan eksamen, 70% a slag apesar ku nan a kuminsá ku un base papiamentu
ingles. Tur kos ta dependé di e mucha. Tin unu mas floho ku otro. Si un
mucha ta zelfstandig ounke e eksamen ta ulandes, e lo por trahe. Derrel
a bisa ku nan tin bon ehèmpel di mucha ku a Sali di einan, bai Havo i di
Havo bai VWO. Pero tambe tin mucha ku no masha bon ehèmpel.

Pa loke ta e idioma ingles i na materialnan Derrel a splika Djasabra ku
nan ta haña esakinan den regio. Nan a ripara ku e nivel den regio ta kasi
mesun kos ku aki. Kisas den matemátika aki or ta un tiki avansá. I nan ta
keda desaroyá ketu bai pa wak si e mucha Sali di e skol aki bai otro skol,
pa tareanan ku e mucha kisas falta. Meskos ku den regio ta duna kosnan
ku pa aki na Kòrsou no ta masha importante.

Den desaroyo....
New Song College ta ketubai den desaroyo. Dia nan a kuminsá ta ku
apénas 50 hóben pa e promé klas so. E muchanan ku nan a kuminsá
kuné ta muchanan ku problema, mayornan ku problema, muchanan ku
ta solushoná kos ku problema, muchanan ku a kita kuchú for di nan,
muchanan ku ta stand by ku e dosente, tabata un aña di training pisa. I
ku e grupo ei nan mester a traha. Pero nan a perserverá i a logra ku hopi
di e muchanan aki nan mente a bira pareu. Nan situashon na kas nan
a logra di pone esaki un banda i pone skol na promé lugá. Nan no tin
trahadó sosial pero ta nan komo dosente mes ta traha tur kos un pareu.
Tin dosente ku ta duna mas ku 2 materia. Asina nan a move i huntu kuné
atendé ku e problema di e hóbennan tambe. Pero nan a logra solushoná
esaki, usando e promé aña komo un bon entrenamentu.
Havo pronto.....
Plannan tei pa un dia e Havo tambe bin. Derrel a splika ku nan ke tin
e VSBO bon hinka den otro i wak den ki direkshon nan ke bai promé. Nan
tin di analisá kua direkshon si gobièrnu ta paga i kua no i si nan ke bai
otro direkshon ta e mucha mes mester paga. Ta tres direkshon so tin i
esei ta hopi limitá mirando kuantu Dios a krea. Por ehèmpel un mucha
ku ke bira dòkter tin di bai via techniek i asta siña pega blòki. E sistema
ta limitá i ta kansa e alumno, siendo ku tin asina tantu kos. Asta Ulanda
a kita for di e sistema aki i aki ta bringando ketu bai kuné. Kisas ta mihó
kambia e sistema i aseptá ku e no a bai bon.
Finansa.....
Pa loke ta e parti finansiero, nan tim hóben i dinámiko mes ta buska
fondo. Nan ta organisá rekoudashon di fondo. Den promé aña mayornan
tabata paga pa buki i aktividat i esei nan ta bai zuinig kuné. Pero awor
aki tin enseñansa liber i mayornan no ta paga nada siendo ku serka nan
tur lokal tin erko. Nan no a logra kambia di edifisio i p’esei nan a adaptá
esaki pa e funshoná bon i kómodo pa e hóben. E lokalnan awor tabata
poko kalor i p’esei a pone erko, Mayoria skol no tin erko. Pero tiki tiki