Page 22 - KPA

AWEMainta Diamars, 3 October 2017 31

Karel Doorman a jega Sint Maarten

cu 1 mion kilo di ayudo humanitario

PHILIPSBURG - Despues di a zarpa un siman
y mei pasá for di Den Helder na Hulanda pa Sint
Maarten, e barco mas grandi di Marina Real Hu-
landes a yega Sint Maarten ayer mainta.
Ayera e ta mara den haf di Philipsburg cu mas cu
un mion kilo di ayudo humanitario.
Dia 20 di sèptèmber e barco a sali kan-kan di
material pa aliviá pena di e habitantenan di Sint
Maarten durante reconstruccion di e isla cu a sufri
tremendamente como resultado di paso di orcan
Irma.
Tin vehiculo cu por usa den construccion, mas-
tanan di transmision y material di construccion
a bordo.
Minister-President William Marlin y un delegacion
di su Gobierno tabata na trapi di e barco. Promé
cu e por a mara na waf, nan mester a midi con
profundo e waf ta p’e barco no keda pegá. Manera
e barco a mara nan a cuminsa descarga e material
y e vehiculonan.

Mester bisa cu Hulanda estando na casi 9000 kilo-
meter for di Sint Maarten tabata mucho mas rapido
y eficiente cu Gobierno Mericano den brinda asis-
tencia na Puerto Rico cu te awe no ta hañando
ayudo humanitario danki na torpesa di Presidente
Donald Trump, kende a preferá di bay hunga golf
na lugar di atendé e emergencia humano aki.

Un biaha mas kiebro y ladronicia na oficina di

Boogaard Assurantien den Paardenbaaistraat

DIALUNA den oranan di madruga presencia
di Polis ta wordo pidi n’e oficina di Boogaard
Assurantien den Paardenbaaistraat, pa un caso
di kiebro y ladronicia.
Na yegada e patruya ta topa cu un patrol di e
compania di seguridad n’e sitio y e guardia di
seguridad ta splica Polis, cu na momento cu e
tabata yegando el a mira un persona flaco, halto
y color scur sali for di e oficina cu un flatscreen
den su man, el a pone esaki pafo di e edificio,
pero ora el a mira e patrol di e compania di se-
guridad yega el a laga e flatscreen atras y a core
bay direccion nort.
Esaki no ta prome biaha cu e oficina di Boogaard
Assurantien ta victima di ladronicia. Dos siman
pasa caba ladronnan a drenta horta un flatscreen
caba, pero e biaha aki si nan a faya.
Polis a tuma vingerprint y ta di spera cu pronto
por keda detene e ladron aki.