Page 18 - MIN VOS JULY 11

28 AWEMainta Diasabra, 11 Juli 2015

Grupo

BINI BINI,

a clausura nan prome mitar di aña cu
nan actividadnan

CLAUSURA di e prome 6 luna di 2015 di Grupo Bini Bini na

Baranca di Yerba. Grupo Bini Bini ta un grupo di hende grandi cu
tin nan encuentronan social, cu a keda celebra den un ambiente
festivo. Tur miembro di Grupo Bini Bini a wordo transporta di
Noord pa Baranca di Yerba caminda den un ambiente di celebracion
por a disfruta e ultimo actividad prome cu drenta den e temporada
di vakantie. Miembronan por a baila riba tononan di caha di orgel
Nos Ambiente di sr. Nelson Sprock y riba musica di Vi and Friends
Band. For di atardi te cu den oranan di anochi miembronan a
disfruta di un tremendo actividad yena cu ambiente.
Tur aña e miembronan ta clausura nan temporada cu un parti
sorpresa den e nan actividad y p’e biaha aki a opta pa saca un potret
den un cuadra di graduacion/felicitacion/.
Dirigentenan di Grupo Bini Bini kier a desea tur su miembronan un
feliz temporada di vakantie y alabes ta recorda pa tur miembro ta
prepara p’e siguiente encuentronan cu lo cuminsa bek den e di 2
parti di 2015. Grupo Bini Bini kier a gradici na tur su boluntario,
colaboradornan, tur cu ta contribui cu e grupo y tambe tur su
miembronan danki pa aporta y forma parti di nos prestigioso grupo.