Page 13 - MIN VOS JULY 11

AWEMainta Diasabra, 11 Juli 2015 19

Den Weganan
Panamericano
Toronto 2015

Kyra Hoevertsz y Anouk Eman a keda
na un di 8 lugar den duet tecnico

DIAHUEBS merdia e Weganan Panamericano 2015

oficialmente a inicia pa nos team di Aruba, esaki den e
deporte di landamento sincronisa na Toronto, Canada
ora cu e duet di Aruba, consisti di Anouk Eman y Kyra
Hoevertsz a mira accion den e rutina tecnico esaki den
e Centro Acuatico di CIBC.
Mester bisa cu Hoevertsz y Eman a landa den un elenco
hopi fuerte, e mihor 11 duetonan di e continente
America.
Den e rutina tecnico e dueto di Aruba mester a landa 7
elemento den dos minut y 50 seconde.

E landadonan di Aruba a start e competencia como
number 6. Mester menciona cu e dueto di Aruba a duna
un tremendo presentacion unda nan a termina na un
di 8 lugar cu un puntuacion total di 74.4087, unda e
huesnan a score pa ehecucion 23.0000, pa impresion
22.2000 y pa elemento 29.2087.
Cu esaki aki Hoevertsz y Eman a termina cu diferencia
minimo y hopi serca tras di e dueto Venezolano cu a
keda na di 7 lugar.

E dos landadonan elite den e deporte di landamento
sincronisa bou guia di coach Lori Eaton a landa den
bon forma y tabata satisfecho cu nan presentacion. Cu
e posicion number 8 e dueto di Aruba, Kyra Hoevertsz
y Anouk Eman a laga paisnan grandi nan tras manera
Guatemala, Cuba, Costa Rica y Chile.
Na di prome luga a keda e dueto di Canada sigui pa
Mexico y USA, kendenan a keda cu respectivamente na
di dos y tres lugar.

E atletanan Anouk y Kyra lo competi awe diasabra den
e rutina liber cual lo bira nan di dos evento. Ta bon pa
bisa acerca cu e puntuacion di rutina tecnico y e rutina
liber ta ser conta hunto pa asina saca e puntuacion final.
Aña pasa den e Weganan Centro Americano y del Caribe
na Veracruz, Mexico, Kyra Hoevertsz y Anouk Eman a
logra medaya di brons den e rutina liber.
Un palabra di pabien sigur ta bay n’e dueto di Aruba,
kendenan a logra un di 8 lugar den e rutina tecnico.