Page 16 - MIN VOS JULY 11

24
Pa: Candelario A. S. D. – Booshi –
Wever
ULTIMO dianan nos por a tuma nota di hopi
acontecimento cu ta indica cu e partido na
mando ta perdiendo su sosten den pueblo na un
gran forma. Ta bisto cu e Gobierno no tin como
prioridad proteccion di nos ciudadanonan, y ni
tampoco e Gobierno aki ta duna muestra di tin
compasion cu un pueblo cu semper a contribui
sagradamente n’e desaroyo di nos pais, pero cu
aworaki ta wordo diariamente confronta cu un
maneho anti-Aruba.
Un maneho cu ta causando hopi dolor den hopi
hogar aki na Aruba pa causa di medidanan
inhumano.
Pero no t’e medidanan inhumano contra
nos pueblo so ta loke e Gobierno aki a bin ta
azota nos pueblo cune; tambe a percura pa
un perdida di nos autonomia, manipulacion
cu cifranan di turismo y firmamento di
contractnan cu ta yena saco di financistanan
di campaña di AVP.
E resultado di tur e actonan devastador
cu e Gobierno a bin ta ehecuta
consecuentemente e ultimo 5 aña, ta cu e
pueblo a cuminsa lanta for di soño y poco
poco ta demostrando mas abiertamente nan
disgusto y asco contra e Gobierno maligno aki.
For di siman pasa caba nos por a ripara cu e
“spindoctors” di e Gobierno actual a cuminza
cu un racha nobo di manipulacion den
medionan di comunicacion y riba e rednan
social.
A cuminsa mustra riba tur e biyones di dolar
cu e hotelnan na Aruba lo bay ta inverti pa
mehora nan producto. Tambe a core tene un
encuentro na Carnival Village na unda a rifa un
auto pa 1 florin. Asina nos por a tuma nota di
con politico y algun directornan “comprometi”
ta purba di trece e “bon” noticia den pueblo.
P.e. e apoyo di e “Green Corridor” dor di e
Director di DOW, un funcionario di HOH cu
ta presta su mes pa yuda cu e manipulacion
cu e proyecto corupto di hospital, y alabes di
ripiente ta informa cuanto “ilegal” ta wordo
gará y deporta.
Pero esun cu a corona e obra maestro di
manipulacion di nos pueblo t’e anuncio
hipocrita di Minister di Labor, Paul Croes cu a
Ora zero pa nos
Arubianonan!
anuncia e “Gran” noticia cu lo no permiti ningun
musico stranhero bin traha aki na Aruba mas.
Permitimi ilustra con hipocrita e Minister aki
ta: A aparece un documento unda e Minister
mes a duna e instruccion, of en todo caso a
bay di acuerdo, cu ya caba despues di 3 aña un
trahador stranhero no mester bay Departmento
di Labor (Jobcenter) mas. E consecuencia di e
decision aki ta cu Jobcenter no por determina
mas si tin Arubiano pa haci e trabou.
Ta igualmente interesante pa sa cuanto t’e
cartanan cu e mesun Minister aki ta manda
pa DPL pa duna instruccion pa cambia
conseho, ora cu funcionarionan di DPL ta
mustra cu tin Arubiano pa haci e trabou, y
tambe lo ta interesante pa haña sa cuanto di
e “ilegalnan” cu mester a wordo deporta, lo
a presenta na Aeropuerto cu un carta firmá
p’e Minister concerni cu un “ontheffing”
di e tempo cu e no mag di drenta Aruba.
Alabes nos a tuma nota di e hecho cu tin un
Chines cu a wordo controla recientemente y e
Chines a yama e mesun Paul Croes y e Chines
a pasa e telefon p’e empleado na unda Paul
Croes a bisa e ambtenaar pa no haci control
eynan. Y awor Paul Croes aki kier bin hunga
e defensor di e clase trahador Arubiano.
Tipo di actonan aki no ta cay bou di
CORUPCION???
Biniendo bek riba e asunto di cambio di maneho
riba e asunto di 3 aña, mester ser bisa cu esaki, Awor e bacanal y e bonche ta bay sinta y ta bay
banda di e hecho cu ya caba un Mericano no
mester bay ni UN biaha Jobcenter, esaki ta
nifica cu nos por bisa ayoooo na cuponan di
trabou pa nos propio Arubianonan.
Pakico nos ta bisa asina?
Ta conoci cu e gran mayoria di e empresanan
grandi aki na Aruba ta den man di Mericano,
dus eynan ya caba nos Arubianonan mester
bay competi cu e Mericano cu ya no mester
bay mercado laboral.
Mescos cu ta conta pa Hulandes-
Europeo-nan. Y awor pa completa e obra,
TUR otro stranhero no mester bay DPL
pa mira si tin Arubiano pa haci e trabou.
Si nos tuma den consideracion cu gran mayoria
AWEMainta Diasabra, 11 Juli 2015
di estudio ta dura 4 pa 5 aña, esaki ta nifica cu
ora cu nos Arubianonan caba nan studio, ya
caba tin un stranhero riba e stoel ey. Sin conta
cu basá riba e tratado asina yamá “family-life”,
e casá y e yiunan MESTER wordo admiti. Esaki
kiermen cu di awor padilanti no tin trabou pa
nos Arubianonan, ni lo bay tin scolnan pa nos
muchanan Arubiano.
Pa pone e cherrie riba e corupcion cu tin
den henter e asunto di permisologia, ata
awor e Minister encargá cu DIMAS ta
nombra un di su ambtenaarnan mas corupto
como Adjunct Directeur na Dimas. Awor
e fiesta ta bay bira un bacanal di berdad.
E Minister encarga cu Dimas ta duna
instruccion na Radhi Kahn pa haci actonan
contra ley, y probablemente contra pagonan
astronomical, y e mucha manda aki na su
turno ta manda un señal p’e otro “handlanger”
cu ta un tal Mario Wever, cu awor a wordo
recompensa cu e posicion di Adjunct
Directeur, ni cu esaki probablemente ni tin
un diploma di Mavo y cu a drenta DINA
como bode y awe e ta Adjunct Directeur.
Sin ningun clase di solicitud habri y pasando un
cantidad di hende cu educacionnan hopi avansa.
Den un proximo articulo nos lo bay mustra con
e Directora actual a ser corta formalmente, y cu
e mucha manda aki lo ta totalmente encarga
cu otorgamento di permiso.
haya un forma espectacular. Unda sindicato y
gremionan ta keda?
Te ki dia nos ta bay keda acepta e cosnan aki
di e Gobierno y e gobernantenan maligno aki?
E ora zero a yega pa nos sociedad Arubano.
Si no para e rumbo cu nos ta bay, dentro di
masha poco E ARUBIANO lo ta un INDIGENA
cu lo bay bira un ser humano cu por ser mira
como un atraccion turistico den Parke Arikok.
UPP cu t’e partido cu ta para p’e
“ARUBIANISACION” lo deshaci di e maneho
anti-Arubiano aki, y lo bay duna balor n’e
ARUBIANO.
Nos ta cla p’e lucha aki, y den a caso aki t’E
ARUBIANO SÓ POR SALBA E ARUBIANO”.