Page 14 - MIN VOS JULY 11
P. 14
20 AWEMainta Diasabra, 11 Juli 2015
Ekipo di Aruba den
landamento sincronisa
a logra di 6 LUGAR
den rutina tecnico
DIAHUEBS atardi, e ekipo di landamento sincronisa
di Aruba a mira accion pa prome biaha den e Weganan
Panamericano Toronto 2015, esaki den e Centro Acuatico
CIBC. E ekipo di Aruba a start como e number 7 pa loke t’e
rutina tecnico, esaki den un elenco consisti di 8 pais fuerte
manera Argentina, Merca, Canada, Brazil, Peru, Mexico y
Cuba. Notabel ta cu e presentacion di e ekipo di Aruba a
cay na agrado di un y tur presente den e centro acuatico, e
aplauso di esnan presente tabata bon mereci.
Apoya p’e resto di e delegacion mas algun mayor y familiar,
kendenan tambe a haci e biahe pa Toronto p’asina apoya
nan yiu, e ekipo di Aruba guia pa Alva Torres a haci nan
mihor presentacion den e rutina tecnico.
Na final e huesnan a duna e ekipo di Aruba un puntuacion
di 68.4442, e scorenan tabata pa ehecucion 21.0000, pa
impresion 20.4000 y pa elemento 27.0442.
E competencia den su totalidad tabata un satisfactorio p’e
team di landamento sincronisa di Aruba.
E di 6 lugar conkista ta un muestra cu tin futuro den e
deporte aki mirando cu a competi contra e mihornan di e
continente America. Overall na di prome lugar a keda e
ekipo di Canada sigui pa Mexico y USA. Awe diasabra e
ekipo di Aruba den landamento sincronisa lo mira accion
atrobe pa di dos biaha den e Weganan Panamericano
Toronto 2015 ora nan landa e rutina liber.
E puntuacion di rutina tecnico y esun di e rutina liber lo
ser conta hunto p’asina saca e puntuacion final cu lo defini
tambe e posicion final di e ekipo di Aruba.
Un pabien sigur ta bay n’e ekipo di landamento sincronisa
pa e di 6 lugar conkista den e rutina tecnico.
