Page 13 - MIN VOS 3 MAART 2016

Diasabra awor di 8or mainta trempan bin na yuna pa test di
salud na Centro di Barrio Playa Pabou

Wednesday, 02 March 2016 20:26
Comparti

Helen Mohamed ta presidente di Fundacion CVA Aruba. Nan ta bezig cu prevencion atrobe. E chekeo
nan lo cuminsa esaki den Playa Pabou y lo bay di barrio pa barrio pa haci e chekeo di salud. Helen
Mohamed a splica cu hendenan ta participa na diferente actividad.

Diasabra mainta 8or por bin na yuna pa haci chekeo na Centro di Barrio Playa Pabou. Lo chek presion,
sucu y tambe midi rond cu un faha special. Mescos por tin hende obeso tin hende tambe cu por ta flaco
dimas. Tin hende ta kere mas flaco nan ta ta mihor. Helen Mohamed a splica cu esaki no ta e caso. Bo
mester come saludable. CVA lo keda cu mas publicidad pa asina preveni cualkier malesa. Sendy Oduber
ta encarga cu e comunicacion di Boticanan Mediq. Nan como botica ta enfoka tambe riba e bibamento
saludable y preveni. Pesey a join e diferente gruponan cu ta traha riba salud ta importante. Lo tin hende
di Mediq pa tasting y nutricionista pa duna conseho. Haydee Bermudez ta traha cu Movecion pa Bida.
Nan tambe lo traha hunto cu e otro gruponan pa e dia di salud. Nan ta enfoka riba e adulto mayor pa nan
tin un mihor bida y salud. Nan tin un machine special unda e hende por haya e datonan cu ta wordo
gescan. Tin mayoria di hende cu no sa nan estado fisico y cu esaki e machine Tanita ta bisabo tur cos.
Movecion pa Bida ta traha cu diferente partner y asina move den barrio segun Haydee Bermudez.

http://www.24ora.com/local-mainmenu-5/105927-diasabra-awor-di-8or-mainta-trempan-bin-na-yuna-
pa-test-di-salud-na-centro-di-barrio-playa-pabou