Page 16 - MIN VOS 3 MAART 2016

Parlamento hopi interesa den proyecto Scolnan Saludabel

Wednesday, 02 March 2016 21:31
Comparti

E proyecto di Scolnan Saludabel a wordo presenta na e comisionnan fiho di Salubridad, Asuntonan
Social y tambe Enseñansa y e parlamentarionan a keda hopi entusiasma. Parlamentario Mervin Wyatt-
Ras, kende ta presidente di e comision di salubridad y ciencia, a presidi e reunion di diamars, caminda cu
e stuurgroep di Scol Saludabel a bin duna nan presentacion.

Hunto cu Parlamentario Marlon Sneek cu ta presidente di e comision di Enseñansa a pone e reunion aki
y presidente di Fraccion Rene Herde tabata urgi pa por reuni cu nan, pasobra ta hopi importante cu e
trabao cu nan ta haciendo y pa haya mas scol na Aruba cu ta traha riba un concepto basico cu nan ta mira
henter e relacion entre ta salud, e desaroyo social, emocional, hunto cu movecion. Esaki ta un concepto
hopi bunita y pesey mes tambe tabata den sala di Parlamento, hunto cu e stuurgroep, cu tin un proyecto
piloto di cinco scol ta trahando caba pa varios aña hunto cu Minister di enseñansa. Otro ministernan
tambe a wordo invita pa participa den esaki. E proyecto aki ta encera diferente ministerio entre nan esun
Social, Salud Publico y Enseñansa. Nan ta traha conhuntamente y por mira cu e resultado, manera cu a
trece padilanti ta hopi bunita y cu nan ta logra cu e muchanan a lo largo, ora cu e muchanan ta grandi
tambe, cu nan tin un cambio di mentalidad cerca nan. No ta algo facil, pero nan kier sigui cu e proyecto y
lo bin cu un adviesnota y nan kier sigui studia pa nan profesionalisa nan mes riba e tereno aki y haya mas
scol pa por participa na e proyecto aki. Segun Wyatt-Ras, ta papia hopi di come saludabel, movecion y e
desaroyo social emocional, pero ora tin’e den scol, e mester wordo haya e guia necesario y tambe cu e
mester tin e garantia di gobierno pa e por ser ehecuta. P’esey tambe parlamtento ta interesa den e
proyecto aki. Por a wak tambe di fraccoin di MEP, sr. Gloenbert Croes tabata tey presente y a mustra su
sosten na Gezonde School pa asina por traha hunto riba e proyecto aki, Wyatt Ras a conclui.

http://www.24ora.com/politica-mainmenu-18/105936-parlamento-hopi-interesa-den-proyecto-
scolnan-saludabel