Page 17 - MIN VOS 3 MAART 2016

Serando un localidad pa higiena ta un sancion pisa segun
Ivette Geerman

Wednesday, 02 March 2016 20:39
Tweet
Comparti

E control riba restaurantnan ta sigui. Hunto cu Polis e departamento di Higiena ta den accion. Tin
polisnan hoben buscando conocimento y asina hunto ta subi caya pa e accionnan aki como parti di un
poyecto. Ta bezig cu diferente distrito haciendo control na diferente restaurant.

E ta bon pa e proyecto di e polisnan y nan estudio tambe. Tabata bezig na Noord, San Nicolas etc. A haya
algun localidad cu no tabata cumpli cu higiena. E sancion ta sera e localidad y esaki ta un sancion pisa.
Ivette Geerman di e departamento di Salubridad Publico a splica cu tin cosnan cu no tabata bon y guia
nan pa evita esaki. Tin localidad cu a wordo bishita cu a yega di bishita caba. Ta haci comparacion tambe
riba e control aki cu esun anterior. E higiena y presencia di cierto bestia vies y restonan di bestia ta
cosnan cu nan ta atende cune mesora y duna sancion. Ta depende e gravedad. E localidad por wordo sera
algun ora of 48 ora. Si constata e situacion ta sera e localidad. Un localidad ta consisti di diferente area.
Baño, unda hende ta come, unda ta traha y warda cuminda etc ta areanan cu mester ta limpi. Ningun
caminda por tin señalnan di raton, kakalaka etc. Ivette Geerman di e departamento di Higiena a splica
mas. Ivette Geerman a splica cu e carchi di salud ta hopi importante. Aña pasa a haya un presencia
grandi di hende cu a bin regla di nan ora di e control. Hopi ta mas conciente cu nan carchi di salud
mester ta na ordo. Caminda a controla e carchi di salud tur esaki tabata na ordo. Ivette Geerman a splica
cu e carchi di salud ta mustra claramente cu e persona ta bon di salud. Ta mira tur cos den un cuadro
completo. A base di ley ta mira tur cos. Un hende cu no tin carchi di salud ta stop e trabou mesora. E
carchi mester ta vigente na ordo y presente segun Ivette Geerman. Finalmente Ivette Geerman di
Departamento di Higiena a splica cu tin e parti basico cu ta cinco yabi. Mester zorg pa mantene e
cuminda na un manera corecto. E labamento di cuminda y berdura ta cosnan importante. E alimento
manera berdura mester wordo laba prome cu usa esaki. E calidad cu ta sirbi e cuminda ta importante.
Ora tin opslagplaats hopi biaha por tin raton cu ta carga malesa. Contaminacion por tin cu por causa
daño.

Comentarionan (0)

http://www.24ora.com/local-mainmenu-5/105929-serando-un-localidad-pa-higiena-ta-un-sancion-pisa-
segun-ivette-geerman