Page 18 - MIN VOS 3 MAART 2016

Stichting BOB y AZV awor ta traha hunto pa sondeo sin
hende muher tin malesa di cancer di pecho

Wednesday, 02 March 2016 19:30
Tweet
Comparti

AZV tin e honor di ta presenta awe na e inicio di un proyecto cu Stichting Bevolkingsonderzoek
Borstkanker, esta BOB Aruba ta inicia pa e hende muhenan di Aruba.
Cu un algun aña di preparacion (for di 2012), awe BOB Aruba ta asina leu cu por start cu su tarea grandi
y bunita na mes momento. Lo percura pa un invitacion pa tur hende muhe den e edad di 45 pa 75 aña
wordo invita pa asina sondea si tin e malesa di cancer di pecho bou di nos hende muhenan. Un sondeo cu
tin e aprobacion y participacion di AZV. AZV ta spera cu pa medio di su ayudo financiero na e proyecto
aki lo logra tres meta importante:  percura pa un miho calidad di bida di e pashent ya cu deteccion
tempran di cancer na pecho ta nifica cu por duna tratamento na tempo, unda pa e pashent e tratamento
lo ta uno generalmente mucho menos invasivo compara cu ora e malesa di cancer na pecho ta den un
fase mas leu.  e segundo meta ta cu riba termino largo e gastonan di cancer na pecho ta bira menos / ta
baha pa motibo cu no mester a duna tratamentonan complico y invasivo.  e di tres meta ta cu AZV ta
duna su aporte na e asegurado femenino pa medio di un programa di prevencion y asina concentrando su
mes riba un grupo specifico. E colaboracion di AZV no ta solamente uno financiero, unda ta premira cu
mas o menos 1 miyon florin pa aña lo cubri e gastonan di e test (mammogram) pa un grupo di alrededor
di 11 mil hende muhe pero AZV lo yuda BOB Aruba tambe door di facilita BOB Aruba cu informacion di e
grupo meta pa asina BOB Aruba por invita e grupo meta, esta e hende muhe entre 45 -75 aña. AZV ta
spera cu cada hende muhe den e edad di 45 pa 75 aña cu awor ta scuchando tocante e inicio di e proyecto
di deteccion di cancer di pecho tuma nota y sigur participa na e invitacion di Stichting
Bevolkingsonderzoek Borstkanker Aruba. E ta importante pa nos hende muhenan realisa cu mas
tempran nos detecta cancer di pecho mas tempran por actua y combati cancer di pecho.

http://www.24ora.com/local-mainmenu-5/105920-stichting-bob-y-azv-awor-ta-traha-hunto-pa-sondeo-
sin-hende-muher-tin-malesa-di-cancer-di-pecho