Page 19 - MIN VOS 3 MAART 2016
P. 19
Testnan gratis di Mammogram cu Stichting BOB cubri pa
AZV pa tur ser femenino entre 45 cu 75 aña
Wednesday, 02 March 2016 20:28
Comparti
Fundacion BOB Aruba ta bezig cu screening di pecho pa pueblo. Durante un conferencia di prensa tabata
tey diferente grupo. Aki AZV entre otro tabata presente. Vanessa Williams presidente di e Fundacion
Stichting BOB Aruba a splica cu porfin nan por bisa cu ta cuminsa cu e sondeo di pueblo pa cancer na
pecho. E representante di AZV lo cubri e mammogram.
Vanessa Williams a splica cu ta importante pa tur hende na Aruba bira conciente di su salud. Un biaha pa
luna ta bon pa haci e chekeo di medico. Por acerca e dokter di cas pa asina haci e test aki. Desde 2009
semanalmente ta haya un of dos caso di cancer na pecho. Esaki ta algo cu no ta necesario. Si tin
disciplina pa haci chekeo un biaha pa luna of mammogram un biaha cada dos aña. Cancer di pecho por
wordo trata segun Vanessa Williams. E cancer ta pone un presion grandi riba bo famia y riba bo mes y
trabou. E cifranan cu tin na Salubridad a haci un sondeo pa mira si Aruba por beneficia di screening. A
sali afo cu cifranan cu tin na Aruba tin dos piek. Pa gara tur dos piek na Aruba a cuminsa na 45 aña di
edad pa 75 aña di edad cu e sondeo di malesa d cancer di pecho. Tin hende cu ta haye cu 80 aña tambe. E
sondeo di pueblo ta un calculacion cu bo ta haci pa haya e poblacion mas grandi y mantene e costonan cu
AZV por paga esaki. Un hende por fula su pecho un biaha pa luna y haci su testnan. E persona no ta bay
wordo invita dor di BOB si e ta bou di 30 aña pa bin haci test segun Vanessa Williams. Nan tabata di bin
cu un machine pa controla pecho como Fundacion BOB. No ta tur compania a yuda pero esnan cu a yuda
a pone cu nan ta purbando. Ainda nan tin un debe habri di 100 mil cual mester paga prome cu fin di e
luna aki. Vanessa Williams di Fundacion BOB a splica cu awor aki cu 5000 hende ta haci test di pecho pa
aña na Hospital.
http://www.24ora.com/local-mainmenu-5/105928-testnan-gratis-di-mammogram-cu-stichting-bob-
cubri-pa-azv-pa-tur-ser-femenino-entre-45-cu-75-ana
