Page 10 - AM211013

10 AWEMainta .com Diaranson, 13 October 2021

Despues di un persecucion di casi 4 ora riba

laman, Polis a logra pone man riba Mathilda

Tabata den oranan mas tempran di diamars cu e
homber conoci como Jason Mathilda, kende a joyride

un waverunner.
Durante casi 4 ora e persona a sa di burla di autoridad
cu a usa boto y helicopter pa gar’e, pero sin exito.
E persecusion a hiba Polis na Surfside, Barcadera,
Palm Beach, pa despues gara e persona riba beach na
Zeewijk, ora gasoline di e waverunner a caba.
Dado momento, mirando cu Mathilda no kier duna
oido na Polis, Guardacosta a haya encargo, cu si e no
kier tende, pa tira riba e motor di e waverunner. E

consecuencia lo por ta fatal pa Mathilda, pero danki
Dios cu gasoline a caba cune, cu Polis a pone man riba
dje na Zeewijk.

Tur cos a cuminsa den oranan di atardi, ora cu doño
di un compania cu ta huur waverunner a informa
Polis cu nan a horta un di su vehiculonan. Ta trata di

e waverunner cu number 10 riba dje. Nan a señala un
homber di fam Mathilda como esun cu lo a bay cu ne.
A informa Polis Maritimo cu a start un buskeda riba
lama. No a dura mucho cu a logra topa cu e homber,
pero el a nenga di stop.

E homber a tene Polis ocupa pa un bon rato, bayendo
pariba na altura di Pos Chikito, a muha e Polisnan
den boto y despues a bay bek direccion Noord. A bay

Eagle Beach, sigui p’e beach na altura di Strand Politie,
Marriott, Ritz Carlton y despues regresa. El a sigui bay
ariba te banda di Rodgers Beach na San Nicolas, pero a
cambia di rumbo y a bay Cura Cabay.

Tur e tempo e helicopter di Polis tabata bula riba e
sospechoso y tabata no solamente lusa e waverunner

pero tambe duna e demas Polisnan indicacion di su
locacion. Tabatin un ekipo di varios Polis cu tabata
sigui e homber for di tera, mientras cu unidad di Polis
Maritimo y di Guardacosta a conduci e persecucion
riba lama.

Na Cura Cabay e no a conta cu Polis tabatin un comision
di recepcion ta spera riba dje, scondi den e mangelnan
y cu luz di auto nan paga. Asina cu el a sinti su mes

comodo na tera, nan a sali riba dje y a mand’e tera
mesora pa deten’e.
Ta considera e sospechoso como un sospechoso, conoci
di husticia, pero cu den e caso aki awor ta sospecha di
a joyride un waverunner.
Despues di su detencion, a transport’e pa Ward’i Polis
di Shaba. Ey a present’e dilanti un Sub Fiscal p’e duna

cuenta di su acto y asina tende di e oficial si e ta keda
encarcela pendiente investigacion. Pa Mathilda, esaki
tabata un hazaña, unda el a burla di autoridadnan
hudicial.