Page 6 - AM211013

6 AWEMainta .com Diaranson, 13 October 2021

SETAR aportando na luna di Adulto Mayor

Luna di october a wordo proclama como Luna
di Adulto Mayor. SETAR, como nos compania

nacional di telecomunicacion, ta contento di
por a partner cu Fundacion Movemento ta Bida

pa ofrece un serie di actividad gratis pa nos
poblacion 60+ durante henter e luna di october.

SETAR como sponsor a habri e serie di charlanan

cu lo wordo ofreci.

Dialuna mainta SETAR a duna un charla
encuanto e servicionan di SETAR facilita pa

nos team di Mercadeo y e team di Pay.aw a
enfoca riba e aplicacion di Pay.aw, entro otro su

benificionan y facilidadnan.

Ademas, diasabra 23 di october SETAR hunto cu
Fundacion Movemento ta Bida y Magic 96.5 FM

ta presenta e Car Rally 60+ Edition. Esaki lo ta
uno diferente unda cu lo haci uzo di bo telefon

mobil por medio di un plataforma digital pa
participa.

Pa participa mester tin un persona

60+ den e auto y tambe pa inscribi.

Inscripcion ta tuma lugar dia 12, 15 y

19 di october na oficina di Fundacion
Movemento ta Bida situa na edificio di

IBISA.

SETAR ta invita nos adultonan mayor

pa participa n’e actividadnan ofreci

durante e luna di october y en especial

n’e Car Rally 60+ Edition p’asina bin

pasa un dia ameno y divertido den

compania di famia y amigonan.