Page 5 - AM211013

Diaranson, 13 October 2021 AWEMainta.com 5

Aruba Bank lo adkiri mayoria operacion

na Aruba di CIBC FirstCaribbean

Aruba Bank a anuncia cu el a sera un

convenio cu FirstCaribbean International
Bank (Cayman) Limited (“FCIB Cayman”),
un subsidiario enteramente propiedad di
FirstCaribbean International Bank Limited
(“FirstCaribbean”), pa cumpra cierto di nan
acitvonan bancario na Aruba.

E transaccion ta suheto na aprobacion
segun regulacion pa Banco Central di Aruba
(CBA). Ta spera di finalisa e transaccion den
e proximo lunanan.

Anunciando e convenio aki, Managing
Director di Aruba Bank, Peter Staal, a describi
e adkisicion di CIBC First Caribbean Aruba
su negoshi como un excelente oportunidad

p’e banco.
El a remarca: “Nos ta entusiasma p’e
oportunidadnan cu e adicion den cliente
lo provee y ta comprometi pa continua cu
entrega servicio superior na nos clientenan
nobo y existente por igual.”

“Mision di nos banco ta pa provee servicio
bancario superior y inovativo, traha na midi
pa cumpli cu e necesidadnan di nos clientenan
usando tecnologia y e habilidadnan di nos
empleadonan altamente entrena y motiva.

E alcance aumenta cu e adkisicion aki lo
duna nos, lo asisti nos den cumpli cu nos
mision.” Chief Executive Officer di CIBC

FirstCaribbean, Colette Delaney, a remarca
cu Aruba Bank ta un excelente fit p’e negoshi
di e banco na Aruba, mirando su tamaño,
amplitud di oferta di producto y base di
cliente y un posicion fuerte den mercado.
Sra. Delaney a observa: “Nos a conduci un

revision strategico di nos negoshi den henter
e region y tumando na cuenta e ruta di
desaroyo cu nos a identifica p’e mercadonan
den cual nos ta opera, y nos a tuma e dificil
decision pa bende nos operacion na Aruba.

E decision aki no tabata uno facil pa nos
management team, sinembargo el a bira
mas facil p’e excelente partner cu nos por a

identifica p’e transaccion aki – Aruba Bank.
”
Sr. Staal tambe a remarca cu e dos bandanan
ta trahando diligentemente pa sigura cu
e transicion lo ta uno sin obstaculo pa
clientenan di CIBC FirstCaribbean na Aruba.