Page 73 - MIN VOS

A20 deporte
Diaranson 20 september 2017

Malik Hoveling a representa Aruba na Mauritius

ORANJESTAD – Recientemente Malik Hoveling a
competi na e competencia di IFCA Gran Prix y Copa
Asia/ Africa a tuma luga 2 di september te cu 9 di sep-
tember na e isla di Mauritius.

Despues di e Gran Prix competencia, Malik Hoveling (ARU-
31) a sali pa representa Aruba na isla di Mauritius. E evento a
tuma luga na diferente parti rond di e isla como cu Mauritius
ta ofrece costanan bunita pa windsurf, pero cada un costa cu
nan mes condicion di biento diferente.
Windsurfernan di Francia, Sur-Africa, Seychelles, Australia,
Mauritius y Aruba a competi durante 5 dia den condicionnan
di tempo menos faborabel. Malik Hoveling (ARU-31) a logra
di prome luga den e categoria di Youth, y a logra di nuebe luga
den categoria Men.

Mauritius a organisa pa
prome biaha e careda di 80
KM defiwind. E tipo di com-
petencia aki ta tuma luga tur
aña na Francia, pero e care-
da ta 40 KM cu mas o me-
nos 1400 competido di rond
mundo.
E careda di 80 KM aki tawata
hopi extremo y nos tin di
remarca cu no ta tur wind-
surfer a logra cualifica pa e
final di e competencia. E ruta
a cuminsa na awa plat pa mas
profundo cu ola basta halto y
sin descanso.
E ganado di e competencia ta
di isla di Mauritius y Malik
Hoveling (ARU-31) a ter-
mina na posicion seis, como
competido mas hoben di e
grupo. Esaki tawata un bon
oportunidad pa promove
Aruba como un destinacion
pa windsurf di manera, cu
nos por spera competidonan
di Sur-Africa y Seychelles pa
competi na Aruba den fu-
turo.
Esaki tawata e ultimo compe-
tencia di e serie di 3. E prome
a tuma luga na Austria y e di
dos evento tawata na Croatia.
E competencia nobo nan aki
ta pa atrae mas windsurfer
nan di tur parti di mundo, y
pa haya un competencia mas
dificil y diversion cu locual
nan ta custumbra.