Page 23 - HOH

6 AWEMainta Diaranson, 30 December 2020

Gobierno a anuncia “Toque de Keda” te cu 3 di januari

AYERA mainta Prome Minister Evelyn Wever Croes a anuncia
durante un conferencia di prensa algun medida nobo pa fin di aña

relaciona cu e pandemia actual.
E averahe di caso p’e siman aki a subi drasticamente. Te cu di-

aluna e averahe aki tabata na 40 caso pa dia. Esaki ta algo alar-

mante, pasobra e nivel di casonan actual ta n‘e mesun nivel di 19
october, unda e “second wave” a cuminsa bira preocupante.

Tambe locual a bira un problema ta cu hendenan no ta bezig ta

test manera antes mas. Nan ta warda 4 pa 5 dia prome cu nan

bay test. Esaki ta un problema pasobra durante e dianan aki
mayoria di e hendenan no ta mantene nan mes na regla y asina

nan ta contagia otro personanan.

Tin hopi fiesta clandestino den e ultimo dianan aki unda ta crea

hopi aglomeracion.Esaki no por sigui sosode.

E medidanan ta cuminsa awe diaranson y ta valido te cu 3 di
januari 2021.

•Ora di ciere ta bira 10’or anochi y animacion musical ta posibel

solamente den restaurantnan, pero sin bailamento. Gerencia ta

responsabel pa cumplimento di regla.

•Ta permiti pa tira pagara, pero te 3’or di atardi. Despues di e
ora ey no ta permiti pa tira pagara dor di ningun negoshi. Na cas-

nan residencial si por tira pagara despues di tiro.

•Introduccion di toque de queda, cuminsando awe for di 11’or

te 5’or di mainta. Cu excepcion di aña nobo. Toque de Queda ta

cuminsa 2’or di madruga pa 5or di marduga.