Page 24 - UTILITIES OCT 8, 2015
P. 24
Gene Boekhoudt di Doushar NV despues di reunion cu Minister de Meza: Ta importante a
companianan local haya e chens pa eherce trabao den e refineria
Thursday, 08 October 2015 09:10
Comparti
Sr. Gene Boekhoudt ta director di Doushar NV, tabata tin un reunion cu minister di Energia, sr. Mike de
Meza. Boekhoudt a splica como grupo di contratista cu ta y tabata traha den Valero, a acerca minister de
Meza pa combersa tocante di desaroyonan cu tin riba e potencial habrimento di refineria y tambe e
proteccion di nos mercado local.
E sentimento cu nan a haya ta cu e meeting tabata positivo di parti di ambos partido, pa loke ta e progreso
riba e posibel reapertura di nos refineria. E minister tabata tin bon oido riba e parti di proteccion di
mercado local. A keda na Doushar si pa haci nan huiswerk pa bin cu un plan. Sa cu ta bibando den un
mercado liber na Aruba, pero mester tin un plan strategico pa por comparti cu tanto gobierno cu Citgo,
kico ta e intencionnan como contratista cu tin hopi aña ta traha na e refineria.
Boekhoudt a sigui splica cu e plan no ta full desaroya ainda, pero e intencion ta pa no tin influx di
companianan grandi di exterior cu na e momento aki tin un upperhand riba companianan local cu a pasa
den un ciere di refineria cu mester a keda sobrevivi. Esey ta parti di e plan cu companianan grandi no por
bin awor aki, siendo cu no ta duna oportunidad pa e contratistanan yega caminda nan tabata antes.
Eynan gobierno tin un rol importante pasobra nan no por habri porta pa tur hende bin aden. Esey ta e
intencion exactamente, segun Boekhoudt. Tur compania por bin registra y haci negoshi na Aruba. Pero ta
importante pa companianan local, desde ciere di refineria, a keda habri, a keda contribui na e economia
tin e oportunidad tambe pa eherce trabao den refineria.
Boekhoudt a comenta cu a Sali hopi satisfecho for di e reunion. Tabata tin hopi espacio pa dialoga. Awor
aki Doushar tin cu bin cu plan realistico y present’e na tanto minister de Meza, na e comision y na Citgo.
Nan a wordo priminti cu esey ta e oportunidadnan cu nan lo haya y lo traha riba un plan y presente na e
gruponan, Boekhoudt a comenta.
