Page 28 - UTILITIES OCT 8, 2015

Na WEB a logra stabilisa situacion financiero y awo ta evaluando rebaho di tarifa pa
comunidad
Thursday, 08 October 2015 09:00

Comparti

Minister Mike de Meza a splica den un entrevista diaranson cu a logra di stabilisa e situacion financiero di
WEB y awo ta evaluando e rebaho di tarifa pa comunidad. E rebaho aki lo por bin pa fin di aña 2015 caba,
segun e mandatario.

El a expresa cu e contract di hedging tabata un decision tuma prematuro y no na e miho momento. El a
agrega cu e ta haya cu tabatin falta di transparencia tambe den e decision pa hedge fuel oil pa e compania,
cual na final di dia tabatin su consecuencianan negativo.E momento cu a dicidi di hedge ta net ora cu e
prijsnan tabata bahando, y ora cu no por prognostica e movecion di prijsnan mester duna e mercado
tempo prome cu firma e tipo di contractnan cu a wordo firma aña pasa. E decision tabata mucho
premature, segun De Meza.El a resumi cu e problema grandi cu e tin cu situacion ta e mal timing y e falta
di transparencia, pero cu ta algo cu mester a biba cune, mester a haci ahustacionnan unda cu esaki tabata
posibel y responsabel pa purba di limita e efectonan di e contract.

Despues cu WEB a logra downwind y move e hedging padilanti, awo por saca beneficionan di un situacion
financiero stabilisa na WEB, segun e minister.De Meza a bisa cu tur dia e situacion ta mehorando y den
un pa dos luna lo ta cumpliendo cu e ratio di e “lenders” y lo yega un punto unda cu tur cos ta okay. E
siguiente fase ta e comberti un beneficio den un rehabo di prijs di coriente, cual lo por ta posibel den curso
di fin di aña 2015 caba.Finalisando a puntra De Meza tocante e retonan cu ta wordo bisa cu WEB tin cu e
calidad di fuel oil. El a comenta cu si e calidad no ta bon mester ta hopi cauteloso pa uz’e. No por acepta
un calidad inferior di loke ta specifica den e contract, pasobra los di e hedging tin e specificacion di
calidad cu WEB mester cual mester ta den e contract, incluyendo e prijs cu lo paga pa e producto. Esaki
nan mester cumpli cune, el a expresa.De Meza a bisa di lo papia cu WEB tocante di esaki y urgi nan pa
nan corigi esaki mas lihe cu ta posibel, si enberdad tin un calidad inferior di fuel oil cu ta wordo manda pa
Aruba.