Page 27 - UTILITIES OCT 8, 2015
P. 27
Minister Mike de Meza ta confirma: WEB lo haya un director
financiero
Thursday, 08 October 2015 09:03
Comparti
E decision a wordo tuma for di nivel di accionista te cu den Raad van Commissarissen cu ta bin un di dos
director statutair pa WEB Aruba N.V., esta un director financiero. Esaki Minister Mike de Meza a
confirma diaranson den un entrevista.
WEB ta un compania sumamente grandi, e mandatario a bisa, hunto cu ELMAR e dos companianan tin
un omzet di entre 400 pa 600 miyon florin y un director financiero ta na su luga. Minister De Meza a
remarca cu, banda di e director financiero y director general, lo por bin un di tres director, kende lo ta
encarga cu e parti tecnico/operacional. Si esaki wordo dicidi e funcion lo wordo inclui tambe como
“director statutair”. E minister a expresa cu e director ad interim ta haciendo un tremendo trabao y tin
bon contacto cu trahandonan y sosten di e sindicato pa bira e proximo director general di WEB. E ta entre
e candidatonan y tin sigur tur e calidadnan, De Meza a bisa.Sr. Oduber tin e parti formal, esta di
educacion, pero tambe e calidadnan di anda cu hende, recurso humano, e tin experiencia y ta un di e
candidatonan serio cu ta papiando cune.
De Meza a agrega cu e ta spera cu mas pronto posibel lo scoge un director pa WEB.Tocante di e director
financiero, De Meza a comenta cu un compania di e tamaño di WEB mester tin un CFO y e persona aki
mester tin e calidadnan formal pa asumi e posicion. El a menciona cu e persona mester ta un register
accountant, un bedrijfseconoom, of otro profesional di nivel halto den e area di finansa/administracion. E
persona mester tin experiencia di e mundo bancario, financiero, y di inversionnan, entre otro, De Meza a
splica.Tin evaluacionnan tumando luga actualmente di e “big four”, cu ta wak e “organisatieplan” pa cu
den e top pa bin cu recomendacionnan pa cu maneho di WEB, e mandatario a añadi.Utilities Aruba N.V.
tin e accionnan di gobierno y e responsabilidad pa cu e tema aki ta cay bao di e director di utilities como
aandeelhouder pa WEB y ELMAR, De Meza a conclui bisando.
