Page 7 - awem june 8,2015

AWEMainta Dialuna, 08 Juni 2015 7

Parlamentario Hulandes Bosman ta
laga su mes worde transforma pa
un hacido di REDASHI

A yam’e y a cuestiona Andre Bosman pa su articulo
ridiculo

PARLAMENTARIO Melvin Tromp di AVP a reacciona riba

sr. Andre Bosman p’e forma cu e ta laga su mes worde maluza y
informa dor di e integrantenan di MEP. Melvin Tromp ta bisa
cu awe di ripiente Evelyn Wever Croes tin cu permiti su
mes worde uza manera un mucha manda pa bay publica
un artículo pa Andre Bosman. Tin un dicho ta bisa lo
siguiente; E berdad nunca a perhudica hende, ningun
causa, ningun nacion.
“Tristo ta cu e mesun sr. Andre Bosman aki ta informami
cu e worde informa cumi lo a falta respet pe cu
palabranan indecente, esta den mi artículo, con estupido
e por ta pa laga politiconan morto di hambre pa poder
engañe. Mi kier pidi na mi colega Hulandes pa acepta
mi disculpa si mi a trapa riba su dede di pia si mi a
perhudica e relación di trabao entre e cu sra. Wever
Croes Mi argumento contra di sra. Wever Croes tabata
cu ta mustra cu e ta di acuerdo cu e ponencia di sr.
Andre Bosman pa introduci un paspoort otro pa nos
como Hulandesnan Caribense y awor di ripiente sr.
Bosman kier nenga esaki”. Melvin Tromp ta reta Andre
Bosman p’e bisa públicamente cu no t’esaki ta locual
cu el a bisa y mas ainda Melvin Tromp a bisa e político
Hulandes aki cu e mester para manera un homber tras
di su palabranan y no core bin bisa cu nos di AVP kier
pinte scur Según Melvin Tromp ta di opinión cu e mester
pidi disculpa na tur tres pais den Reino p’e forma cu e ta
expresa su mes contra e paisnan den Reino.
Melvin Tromp ta haya cu e tipo di expresionnan di
e politiconan Hulandes cu kier saca nan gal riba nos
paisnan Caribense ta un acto deningrante y bochornoso
y mas peor ainda paso e ta laga politiconan frustra na
Aruba engañe p’e por haya sostén y plama su veneno
riba un Gobierno di pueblo Melvin Tromp ta bisa cu
esaki ta ironía di bida, paso awe líder di MEP ta laga
interés di nos pueblo cay pa un político Hulandes cu
na varios ocasión a expresa su mes den dirección di
nos gobernantenan, mientras cu Hulanda ta bao di
curatela di Unión Europeo pa mal gobernacion y t’esaki
di ripiente ta bira preocupacion di Andre Bosman cu
ta nos ta pinte scur dor cu a bise cu e ta un persona
discriminatorio.
Na final Melvin Tromp a bisa cu no tin ningún interés
pa perde tempo cu Andre Bosman, pasobra aki na
Aruba tin hopi trabao cu retoman firme na bienestar di
pueblo Arubano y peor ainda di un hende manera Andre
Bosman cu ta permiti su mes participa den actonan di
redashi.