Page 13 - TEMPRAN 18JAN2021

13 POLICIAL
DIALUNA 18 DI JANUARI 2021

DETENIDO TA TEST POSITIVO PA COVID-19

Diasabra mainta recherche di Oranjes-
tad a bay un cas na Ponton pa detene e
dama L.A.T.M. Rubiano, di 21 aña di edad

pa menasa. Na momento cu tabata cla
pa transporta e persona aki, recherche y
e coleganan uniforma a nota cu e dama

aki tabata mustra cierto sintomanan.

E agentenan a tuma precaucion y a di-
cidi di hiba e persona aki pa haci test
di COVID-19. Na momento cu a haya e

resultado, a sali afo cu e sospechoso aki
a test positivo pa COVID.
Esaki ta casonan cu e agentenan di Cu-

erpo Policial ta haya nan confronta dia-
riamente cu ne y ta sigui tuma risiconan
pa mantene comunidad di Aruba safe.

A BAY BUSCA UN PERSONA PA MENASA OTRO, PERO A MUSTRA MALO Y A RESULTA DI TEST POSITIVO PA COVID-19.

TRES DETENI PA NO CUMPLI CU TOQUE DE QUEDA

Toque de Queda ta bay te 31 di januari,
pero asina mes tin hende cu no ta res-
peta esaki. Unico manera cu por ta riba
caya durante ora di Toque de Queda ta

si tin permiso di trabou pa sea bo ta bay
cas of ta bayendo trabou. Un biaha mas
den fin di siman a detene personanan
cu a viola e regla di Toque de Queda.

Diasabra marduga tres homber tabata
den area di Rancho y a perde nan liber-
tad. Polis durante un control den pleno

Toque de Queda a para un peaton riba
Weststraat, e homber tabata caminda
pa cas.

E tabata casi yega cas, pero Polis no a
dun’e un chens y a deten’e. Algun me-
ter mas leu Polis atento a bin topa cu
dos homber den auto drumi. E duo ta-

bata pata pata burachi. Polis a hiba nan
pa Warda di Playa.

DURANTE TOQUE DE QUEDA A GARA TRES HOMBER RIBA CAYA