Page 5 - MIN JUS

Clarisca Velasquez ta conbibi e momentonan dificil cu famia
di colega polis Ruiz y cu cuerpo policial Aruba

Wednesday, 05 July 2017 12:24
1

Comparti

Nos a perde un famia di nos cuerpo policial. Mi ta considera cuerpo policial mi famia y pesey mi ta hopi
tristo cu e perdida aki di nos colega Ruiz. Famia di nos colega polis Ruiz ta pasando den momentonan
dificil cu e perdida di nan jiu cu a perde su bida haciendo su trabao di sirbi nos comunidad.

Hopi hende no ta comprende e trabao di polis cu hopi biaha nos polisnan ta sali for di nan cas pa bai
labora pa nos pueblo pero nan no sa si nan lo jega cas bek serca nos famia. Hopi biaha nos polisnan ta bai
pa un asistencia y e ta caba den un tragedia y e biaha aki ta e caso. Nos colega Ruiz ta prome polis cu ta
perde su bida haciendo su trabao na Aruba. Y nos tur ta tristo y nos ta compronde den tur loke nos
cuerpo policial ta pasando y pesey ta desea famia di nos colega Ruiz y nos cuerpo policial hopi forza den
temponan dificil ak y cu nos bon Dios duna nos tur e consuelo cu nos mester pa por surpasa e perdida
grandi aki. Y pa e motibo di luto aki ta cancela su evento cu e tin diabierna proximo dia 7 di juli pa rindi
honor y respet na su colega Ruiz cu a perde su bida. Cu Dios tuma nos colega Ruiz den su reino. Y cu
famia por tin e consuelo pa e dolor grandi aki.