Page 6 - MIN JUS

Corte a rechaza e demanda riba tereno pa The Cinemas

Wednesday, 05 July 2017 12:32
1

Comparti

E demanda cu E. de Veer Chain Theatres NV a lanta contra Land Aruba y Aruba Birdlife Conservation a
wordo rechasa pa corte. Esaki ta pa un MB di dia 5 di Januari 2017, cu a wordo otorga na The Cinemas
un derecho di opcion pa haya un tereno na Palm Beach di mas of menos 5500 meter cuadra.

E opcion aki ta den cuadro pa traha un compleho di cinema. Na e opcion aki, varios condicion a wordo
mara, di cual a depende riba e goedkeuring di e minister. Apesar di e insistencia di parti di The Cinemas,
Land Aruba no a dicidi pa cera un erfpachtovereenkomst y e otorgamento di e derecho di erfpacht na e
compania. Tambe Land Aruba a mustra durante e caso aki, cu The Cinemas no tabata cumpli cu tur e
condicionnan, di cual un di nan cu e construccion di un compleho di cinema tabata proyecta riba un area
indica como un saliña. No a bin un decision di parti di e minister encarga pa esaki, mirando cu a base di e
circunstancianan DOW tin problema cu e tuberianan proyecta y tambe Directie Natuur en Milieu no a
duna conseho na minister riba un gran duda existente cu tin den e rapportnan di MER y SEIA, cual
vordering ta prematuro segun Land Aruba. Segun The Cinemas, si no yega na un acuerdo pa e tereno,
posibilidad ta cu pa 2018, nan lo por perde e cooperacion cu IMAX Corporation, si no construi un Imax
Cinema, si no yega na un erfpachtovereenkomst entre Land Aruba y The Cinemas. Apesar di tur esaki,
hues a dicidi cu e ta sali na fabor di Land Aruba. click AKI pa lesa vonnis

Comentarionan (0)