Page 9 - HOH2

26 COMUNIDAD AWEMainta Diamars, 7 October 2025

Quota y FEPOH a bishita scol pa duna charla y test di oido

PA prome biaha, Quota Aruba,

den colaboracion cu FEPOH
(Fundacion p’esnan cu prob-
lema di Oido y Habla) a bishita
Colegio Nigel Matthew y Colegio

Arubano. Durante e bishita aki,
nan a ofrece charla informativo
riba importancia di cuido pa bo
oido y tambe a haci test di oido

na alumno.

E actividadnan aki a ricibi hopi
interes di banda di e studiante,

cu tabata hopi interesa pa siña
con por cuida su oido y tuma
un rol activo den su bienestar. E
testnan di oido ta un yudansa pa

detecta trempan cualke prob-
lema cu por ta presente y tabata
un oportunidad importante pa
conscientisa e hobennan riba

salud auditivo.

Quota Aruba ta sigui compro-
meti cu su mision pa aumenta

conscientisacion den comu-
nidad, y specialmente entre e
generacion hoben, tocante salud
di oido. E campaña di educacion

y test lo sigui den otro scol y
comunidad den futuro.

Scol Soeur Juliette a habri su biblioteca escolar pa tur alumno

DIABIERNA dia 3 di october ultimo, Servicio Mediateca

Escolar tawata invita na e apertura oficial di Biblioteca
escolar di Scol Soeur Juliette.

Despues di 2 aña, esaki a keda cla y e biblioteca yama ‘Bichi

Sabi’. Servicio di Mediateca escolar a yuda cu sanering,
seleccion di material y e interior di e biblioteca. Cu ayudo
financiero y ayudo di tur e Quoteronan di Quota International
of Aruba a logra cu awe Scol Soeur Juliette tin un hoya di

biblioteca pa tur su alumnonan. Minister di Enseñansa sra.
Gerlien Croes tabata tey pa felicita tur presente.

Servicio Mediateca Escolar (SME) ta ofrece prestamento

di buki gratuitamente na maestro di scol, scol y studiante
di I.P.A. Meta principal ta pa yuda scol, maestro y educa- dornan pa duna mucha acceso na buki pa nan por lesa mas.