Page 5 - ATA 9 DEC 2015

26 AWEMainta Diaranson, 9 December 2015

Celebracion di Sin Visa
Na Divi Resorts

UN fiesta di playa ofreci pa Divi Resorts den fin di siman

ultimo a celebra un desaroyo importante den biahe di
Sur America p’e isla, esta e eliminacion recien di rekisi-
tonan di visa pa ciudadanonan Colombiano.
Efectivo e luna aki, Colombianonan por dicidi di biaha
pa Aruba pa vakantie di un dia pa otro, na ultimo mo-
mento, sin planea esaki adelanta, y sin cu nan mester
aplica pa un visa.

Aruba Tourism Authority recientemente a anuncia cu
rekisitonan di visa a wordo elimina. Mientras cu esaki
tabata den efecto ya p’e ultimo 12 aña, awor e no ta nece-
sario mas. Cu un structura politico stabil y un economia
stabil, Aruba awor ta yama bon bini na Colombianonan
cu placa pa gasta na Aruba como parti di e mescla di
bishitante Latino y Sur Americano.

Aruba a wordo bendiciona cu e presencia di 23.836
bishitante Colombiano na 2014, y ta pronostica pa subi
te cu mas di 32.000 pa 2016.
Un grupo di profesional di biahe di Colombia riba un
biahe di familiarizacion p’e isla, a yuda lansa e movi-
mento di Sin Visa, na Divi Resorts, riba e playa, den
presencia di Director Gerente Alex Nieuwmeyer, y
Gerente di e Mercadeo & Promocion di e isla, Tabitha
Fecunda, cu un fiesta spectacular, pia den santo, cu un
cena di buffet interactivo, un golf shoot out y un show
di candela excitante.
Aki por mira Aruba su prome grupo Sin Visa, ricibi na
Divi Resort, na entrada di e lobby, cu un borchi digital
di Sin Visa.