Page 40 - EXTRA NOV 2,2015
P. 40
40 Djaluna 2 Novèmber 2015
GRAN SELEBRASHON DIA DI BANDARIBA
WILLEMSTAD.- E
selebrashon di Dia di
Bándariba tabata grandi
atrobe. E aña aki atrobe
a duna rekonosementu
na vários persona ku ta
konsiderá baluartenan di
e área pariba di Kòrsou.
Algun di esnan ku a haña
rekonosementu ta Djo Luisa,
Shurendi Pieternella, Maida
Bentura-Eugenia, Pedro
Luis Juliet i e hóben Aaron
Mamber. Ministernan Suzy
Camelia-Römer i Ruthmilda
Larmonie-Cecilia tabata
presente i tambe èks promé
minister Emily de Jongh-
Elhage i parlamentario
Humphrey Davelaar.
27 ANIVERSARIO BETESDA
WILLEMSTAD.- Betesda a
selebrá nan di 27 aniversario
dia promé di novèmber.
Direktiva, gerensia i personal
di e instituto a selebrá esaki
ku un misa i despues un
resepshon den patio grandi
di Betesda. Presidente Frank
Gressman a papia splikando
kon Betesda a kuminsá i
te na unda el a yega awor.
Den e selebrashon a sòru pa
e habitantenan sinti ku tin
ambiente di fiesta i ku tin
kos di selebrá.
