Page 41 - EXTRA NOV 2,2015

Djaluna 2 Novèmber 2015 41

MAN DEN FORMASHON

WILLEMSTAD.- Partido MAN ta kere den formashon di su hendenan i den e kuadro ei wikènt pasá tabatin otro seshon di formashon ku a tuma lugá
na universidat ICUC. Miembronan di MAN ta partisipá aktivamente na e siklonan di formashon aki. Anteriormente presidente di MAN a deklará na
EXTRA ku nan ta bai organisá siklonan di formashon pa asina forma un tim bon prepará pa guia Kòrsou.

DUSHI TRATO PA NOS GRANDINAN

WILLEMSTAD.- Un bia mas Ribeiro huntu
ku Fundashon Lus i Speransa a bai keiru
Banda Bou ku un grupo grandi di nos
ansianonan. A hinka nan den konvoi
konfortabel i keiru trankil yega Banda
Bou, pa na Komedor Krioyo e grandinan
kome un bon kuminda krioyo. Hopi a dal
nan yambo, otronan a dal nan papaya
stobá i asina e grandinan a disfrutá di un
dushi kuminda tanten muzik ta kai. Danki
na e tim ku ta malkriá nos grandinan.

KAMINATA
SINTA ROS

WILLEMSTAD.- Fundashon Sinta Rosa a tene nan kaminata
ku a pasa den kayanan di Otrobanda. Tabatin un ruta di
5km i un otro di 10 km. Awendia por nota algu positivo
esta ku mamanan ku tin yu chikitu no ta laga e echo ku
nan tin yu chikí stroba nan di partisipá na algu asina bon.
E yunan ta bai den ‘stroller’ ya asina e mamanan tambe
por kana i kuida nan salú.