Page 48 - MIN ON JUNE 23, 2015

Minister Hooyboer-Winklaar tabatin palabranan di elogio pa e hobennan y esunnan cu a prepara
nan pa e competencia. E mandatario a expresa cu tabata un mainta yen di suspenso y un bon
“voorproefje” di loke ta na caminda pa e competencia nacional.

E spelling bee ta parti di un proceso pa pone mas enfasis riba locual ta factornan positivo y e
talentonan di e alumno hoben, e minister a splica. Cu frecuencia ta wak cu ta highlight
elementonan negativo of tin hopi enfoke riba hobennan cu mester di mas asistencia of asistencia
special, pero tin mester tambe di encurasha esunnan cu hobennan cu talentonan manera uzo di
idioma, tanten cu ta motiva na mes momento e uzo corecto di idioma, segun Minister Hooyboer-
Winklaar. E mandatario y e comision organizado ta entusiasma cu e preparacionnan pa cu Shoco
Sa Spel como un competencia nacional, unda lo inclui tur school y lo refleha e caracter dinamico
y multilingual di e comunidad.

El a agrega cu e ta contento cu e aprobacion unanime di e destinacion pa e fondonan ricibi for di
Union Europeo den Parlamento, pasobra esaki ta un di e contribuyentenan importante na e
realisacion di “Shoco Sa Spel”. Minister Hooyboer-Winklaar a splica cu e evento no ta uno cu ta
costa hopi placa, pero si tin su gastonan manera transportacion y huur di e sala y otro
necesidadnan pa cu su organizacion.

El a expresa tambe su admiracion pa e hobennan cu a prepara hopi bon pa e evento y a tuma
esaki hopi na serio, pasobra facil sigur e no tabata. Loke e mandatario mes a observa den
transcurso di e seis tandanan ta cu e mes a pone mas atencion cu e lo pone usualmente riba haci
distincion pa cu uzo di “c” y “k” y e uzo di e letternan “s” y “c”, por ehempel.

Minister Hooyboer-Winklaar ta gradici e schoolnan cu a acepta e invitacion pa participa na e
“voorproefje” y Fundacion Bon Nochi Drumi Dushi pa un tremendo trabao. Masha pabien na tur
e hobennan cu a participa, nan maestronan y coachnan y na e ganadonan.

http://www.diario.aw/2015/06/minister-hooyboer-ta-felicita-participante-nan-cu-e-prome-
%E2%80%9Cshoco-sa-spel%E2%80%9D/