Page 40 - MIN SJA 3 MAART 2016

Scolnan ta acerca Telefon pa Hubentud pa bin cu
charla a base di comportacion di un mucha

on: March 02, 2016In: LocalNo Comments
Print Email

Shurman Milliard ta trahado social na Telefon pa Hubentud y el a comenta un tiki mas riba e tema di
divorcio.
Telefon pa Hubentud a cuminsa na duna informacion caba di e tema aki y nan tin diferente material
riba dje. Awo a bin cu e proyecto aki pasobra diferente scol ta wak e comportacion di e muchanan
cu ta cambiando. Nan ta wak e intercambio cu otro muchanan y di esey nan a spanta. Nan ta busca
un motibo pa kico e muchana ta actua asina y pesey nan a puntra TPH pa bin cerca nan, pa duna
un charla encuanto di e topico aki.
Por wak un di e bon ehempelnan cu e mucha of scolnan a duna tabata cu nan ta wak un mucha
chikito of un mucha di edad abao, ta actua como un adulto. Dus e ta rabia mescos cu un adulto c un
otro adulto y di esey nan a spanta y door di esey na a bay busca un motibo pakico e ta pasando.
Diferente scol a haci esey y nan a wak cu hopi di e actuacion cu e muchanan ta haci, con nan ta
actua, ta e comportacion cu hendenan cu ta bay door di un divorcio malo, ta actua asina cu nan
pareha. Pesey a bay busca informacion y mas cifra pasobra Telefon pa Hubentud tur ora ta traha
mas cu e cifranan cu ta haya paden. No ta bay riba internet y djis cuminsa cu algo. Ta wak e
yamadanan cu nan ta haya, for di eynan ta haya cifranan. Despues ta traha cu CBS. Nan tin e
cifranan di diferente cosnan y tambe di divorcio y for di eynan a wak di biaha cu divorcio ta un
problema cu ta creciendo y ta birando mas y mas na Aruba. Aki ta un pais top cu tin divorcio. Si wak
e diferencia entre Aruba y Corsou, ta basta mescos, pero si bay wak na Hulanda, e divorcio ta hopi
mas abao compara cu Aruba mes.
Tambe e cifranan cu ta wak ta cu ora un pareha ta casa entre 5 y 10 aña, eynan hopi biaha nan ta
divorcia for di otro. Ora cu wak e cifranan cu ta birando mas halto, mesun hende di edad mas halto,
na ta keda hunto mas cu e hendenan mas jong cu a cuminsa den e matrimonio. Por wak tambe cu
hendenan di edad mas halto cu ta casa, despues di 5 y 10 aña, tambe nan por separa. E no ta algo