Page 42 - MIN SJA 3 MAART 2016

Yamila Bulos Telefon pa Hubentud semper ta traha pa
e muchanan

on: March 02, 2016In: LocalNo Comments
Print Email

Tur aña Telefon pa Hubentud ta purba di bin cu un proyecto nobo, segun Yamila Bulos, trahado
social di Telefon di Hubentud.
E aña aki nan kier bin cu diferente proyecto pero semper ta duna charlanan tocante di tur tema.
Principalmente e cinco temanan cu ta top cerca TPH, entre nan Termento, Sexualidad, Divorcio y
Relacion. Ta duna charlanan riba positivismo, norma y balor y cualkier otro tema cu ta andando.
Tin un otro tema cu ta Cyberbully cu ta toca tur cos cu tin di haber di social media y depende di e
necesidad di unda ta bay. Ta papia cu e scol prome of cu kamp of centro di bario unda ta duna e
charla y wak kico ta bibando bao di nan y ta ahusta e charla segun e necesidad.

Divorcio
Divorcio ta algo alarmante den sociedad y ta un impacto hopi grandi riba nos muchanan. Telefon pa
Hubentud ta ricibi hopi yamada di muchanan cu ta nan so na cas y tin problema entre nan mayornan
y nan ta wordo afecta pa e problemanan aki. Telefon pa Hubentud semper ta traha pa e muchanan
y ta streef na duna nan e poder pa yuda nan haya e solucionnan adecuado pa nan y nan tin di
wordo scucha mas y di duna na nan mas tools pa anda cu e divorcio of separacion di e mayornan,
segun Yamila Bulos. Tin cu corda mayornan cu e muchanan no mester wordo envolvi den e
problema.

Investigacion
Telefon pa hubentud a haci algun investigacion y a wak algun cifra y a base di esey a desaroya,
hunto cu Tienda di Educacion un charla, cu ta ofreciendo na diferente scol awor aki y cu te awor ta
hopi exitoso. A haya hopi peticion p’e pasobra scolnan tambe ta riparando cu esaki ta un problema
pa nos muchanan. Nan mes ta wak cu e muchanan ta bin cu e problemanan aki scol y nan desaroyo