Page 12 - MIN SOC DEC 28,2015

Sueldo minimo ta subi cu 2.5% pa 2016
Publication: Monday, 28 December 2015. Categoria: General
Minister di labor Paul Croes

ORANJESTAD (AAN): Minister di Labor drs. Paul Croes hunto cu prome Minister di Aruba a
anuncia e aumento di sueldo minimo entrante Februari 2016. “Desde 3 aña pasa nos no a conoce
un aumento di e sueldo minimo. Cu e aumento aki nos ta apoya esnan cu ta gana menos riba nos
mercado laboral. Cu e aumento aki bo ta compensa un aumento di inflacion durante e ultimo 3
aña nan”, minister Paul Croes a mustra.
“Prome cu a yega na e aumento aki tabata importante pa evalua cu esaki lo no crea un inflacion
innecesario den comercio. Despues di algun aña como gobierno nos a sinti e necesidad pa apoya
e trahador un poco. Esaki sigur ta un bon apoyo pa e famia nan cu ta biba di un sueldo minimo”,
Minister Paul Croes a informa.
Despues di ricibi e conseho di SER , Conseho di ministronannan a discuti e conseho di e
aumento di 1.0% y a sinti cu tin espacio pa subi esaki. Tambe gobierno a tuma na cuenta e
conseho di representante di trahadornan cu a pidi un aumento di 2.6%, Gobierno a dicidi di busca
un balance entre e dos posicionnan.
Cu e aumento di 2.5% bo no ta crea un efecto inflatorio innesario. Cu e aumento aki bo ta
compensa parti tambe di e aumento di BAZV di 1%. Minister di labor Paul Croes ta kere cu e
aumento aki lo no tin un efecto negativo riba e mercado di comercio.
“Nos ta warda riba e conseho di Conseho consultativo pa asina formalisa e aumento aki.
Naturalmente esaki lo no sosode mas pa Januari venidero sino Conseho di ministronannan a
dicidi cu esaki lo sosode 1 di Februari 2016″, minister Paul Croes a anuncia.
http://www.diario.aw/2015/12/sueldo-minimo-ta-subi-cu-2-5-pa-2016/