Page 34 - flip min.on
P. 34
MinOn
http://www.24ora.com/politica-mainmenu-18/91467-parlamentario-sr-jeffrey-kelly-mep-mester-busca-
bon-informacion-prome-cu-cuestiona-funcionamento-di-nos-departamentonan
Parlamentario Sr. Jeffrey Kelly: MEP mester busca bon informacion prome cu cuestiona
funcionamento di nos departamentonan
Thursday, 05 February 2015 10:46
Comparti
Den un articulo di partido Mep a toca e asunto di leerplicht (enseñansa obligatorio) y nos por a conclui cu
informacion eroneo ta wordo treci dilanti. Parlementario Kelly ta lamenta cu cada biaha mester coregi mal
informacion cu ta wordo duna na nos comunidad. Den e articulo aki nos por a conclui cu Mep su
pensamento ta lo siguiente.
No por controla leerplicht, leerplicht no ta funcionando y leerplicht no ta wordo bon ehecuta. Ta link
funcionamento di leerplicht cu vandalismo, pelea y bendemento di droga rond di scolnan.
Meta di leerplicht
Leerplicht ta un meldpunt, o sea nan ta wordo informa ora ta trata “ongeoorloofd verzuim”, pa atende cu
muchanan cu ta keda cas pa un tempo largo sin un motibo valido of pa muchanan cu ta riba caya durante
orarionan di scol mientras cu nan tin les. Otro meta di leerplicht ta pa corda mayornan pa cumpli cu nan
responsablidad di manda nan yiu scol. No ta trabou di Bureau Leerplicht pa evita vandalismo, pelea y
bendemento di droga rond di scolnan, esey ta cai bou di ministerio di husticia.
Kico ta bayendo bon? Kico ta e desaroyonan desde cu a implementa esaki?
Enseñansa obligatorio a wordo introduci na aña 2011. Desde e tempo ey a cuminsa traha conhuntamente
cu e schoolbesturen y cabesantenan di scol pa asina tin un bon sinergia entre diferente actornan den nos
Enseñansa. Mayornan tin cu percura pa nan yiunan bai scol, scol ta percura pa e lista di muchanan cu ta
keda cas y con hopi nan ta keda cas y e director di scol ta avisa Bureau Leerplicht en caso cu tin muchanan
cu ta desvia di regla. Prome cu a introduci esaki Bureau Leerplicht a percura pa conhuntamente cu e
scolnan duna bon informacion na tur mayor. Bureau
Leerplicht ta trahando en cooperacion cu Polis y asina cu drenta un melding cu tin un mucha riba caya of
ta trahando durante oranan di scol, ta pasa busca e mucha y hibe scol. Bureau Leerplicht hunto cu e
director di scol ta atende cu e mucha y logicamente lo tuma contacto cu mayornan di e mucha.
Leerplicht ta funciona bon na paisnan bisiña?
