Page 37 - flip min.on

bida a subi, material ta subi, tin mas docente, tin mas mucha. E tin su impacto riba nan. Ta haya cu tin cu bestel tur
cos di afo. Si nos kier un enseñanza riba nivel, tin scolnan cu ta bayendo cu iPad y dilanti. E scolnan mes tin cu
carga tur e peso di esaki, si nan kier bay dilanti. E gobierno mester tin mas atencion pa enseñanza, mester por inverti
mas den enseñanza, mester hacie un prioridad y como sindicato mester wak esey tambe.
Ora tin dialogo social, hopi biaha tur topico tey, menos enseñanza. Den e caso aki por mira cu e por bira un peso
grandi pa mayornan, pero e ta un peso necesario na e momentonan aki. E placa cu ta genera eynan, e placa cu ta
drenta ya no ta yega mas pa educacion.
Tin mayor cu tin cu bay paga pa 2, 3 of 4 yiu cu tin cu bay paga 250 florin cada un. Pero tin mayor cu no tin e
manera pa paga ni pa un. Segun Tromp, esaki ta un preocupacion grandi pasobra por crea problemanan social. E ta
sigui bisa cu e scolnan por haci cierto areglo y a bin compronde cu por paga mita di e suma na momento di reinscribi
e mucha pa por sigura enseñanza. No mester lubida cu tin diferente directiva di scol na Aruba, entre otro enseñanza
publico cu ya caba esey no ta gratis tampoco. E ta un tiki mas halto.
SKOA ta pidiendo un colaboracion di mayornan cu ta bin bek pa e mucha mes, unda cu tin un pot pa mantencion, cu
ta algo cu nan mes ta bay haci e ora, unda cu tin un pot pa actividad, cu ta pa e muchanan mes bek. E tin su
problema pa e mayornan, pero tin cu wak un miho educacion y un caminda tin cu cuminza cun’e. SKOA ta pidi 250.
Tin un areglo cu mayornan por paga mita na momento di inscribi y tin e otro areglo prome cu scol cuminza. En
principio por caba di pag’e.
Si wak bon, como mayor mester bay cuminza pone prioridadnan dilanti y wak con ta yega pa por cumpli cu un parti
di nos deber, Tromp a comenta.

http://masnoticia.com/lisette-gomes-pdr-aumento-di-schoolgeld-di-skoa-lo-aumenta-problemanan-

social/

Lisette Gomes (PDR): aumento di schoolgeld di SKOA lo
aumenta problemanan social

 Feb 5th, 2015

 Politica