Page 39 - flip min.on

E siman aki aninda lo sinta cu minister di enseñanza pa loke ta pasando cu desaroyonan di enseñanza den su
totalidad, segun Tromp.
Lo bay trata entre algun punto cu ta importante pa enseñanza. Sigur esaki ta e atencion di Simar pa esaki.
SKOA ta un bijzonder onderwijs, sinembargo enseñanza en general tin hopi otro punto cu tin cu wordo treci dilanti
pa por tin miho di dje. Esaki lo ta uno cu lo trata cu minister sigur. Tambe lo trata e importancia di pone enseñanza
prioridad tambe riba presupuesto y si ta den dialogo social tin cu trat’e, esey tambe tin cu bin dilanti cu por sinti cu
di berdad nos enseñanza na Aruba ta na prome luga.
Di un otro banda ta scucha cu gobierno mester bay corta hopi den cierto cosnan y den aparato publico ta bay ta un di
nan. Por mira cu gobierno tin cu bay, mirando un raport di CFT, no lagando e situacion financiero afo, ahusta un
caminda. Por ta nan no lo ni por bay cumpli cu enseñanza y keda mantene loke tin te awor aki pasobra tin un rapport
cu gobierno ta bayendo tras di esaki casi 100%. Tromp a splica cu tin hopi gasto. Tin cu ta necesario y tin cu ta na
banda di dje. E ta keda tambe pa bin cu e prioridad y wak con por yuda sanea cierto situacionnan. Si wak bon den e
parti di SKOA, e deficit cu tin, ya ta yega un momento cu tin cu bay pone kico ta e prioridadnan, kico tin efecto a
largo plazo, kico tin un miho resultado y eynan mester corta cierto caminda y wak cu e no ta perhudicial pa nos
comunidad, pero mester cuminza pone prioridadnan pone, cuminzando na gobierno.
Na final ta keda den scochi di gobierno. Tromp a menciona con cu bay, enseñanza na Aruba ta tarea di gobierno pa e
por sigui. Tin directivanan apart, bijzonder bestuur, pero edificionan tin cu ta haya esaki for di bisdom, pero ta hay’e
fia pa por duna na e pais enseñanza. Ta tarea di gobierno tambe pa cuida esakinan. Tur esakinan ta partinan
necesario, pa no papia mes metodonan anticua, e leerlingsgeld cu no ta yega, metodonan super caro cu scol tin cu
busca pa por garantisa un miho enseñanza cerca e muchanan. Sin papia di e restructuracion salarial cu hopi maestro,
con cu bay bin, ta un tiki disgusta. Pa añanan largo costo di bida ta subi. Den e caso aki subsidionan ta subi, pero
den un otro banda, e salario di maestro a keda pega pa añanan largo.
No solamente e rol di cobra pa enseñanza ta bay ta un rol, sino e rol di e docente lo bay ta pa sali na defensa di e
miembronan di Simar, cu nan sistemanan tambe ta pega. Den esaki no solamente pa e miembronan, pero enseñanza
en general. Esaki ta conta pa miembro y no miembro lo bay disfruta di loke bay sali di eynan.
Esey ta e parti di Simar cu naturalmente ta sali na vanguardia di su miembronan, pero esaki ta pa Aruba en general
den enseñanza, Tromp a finalisa.

http://masnoticia.com/segun-parlamentario-sr-jeffrey-kelly-partido-mep-mester-busca-bon-

informacion-prome-cu-cuestiona-funcionamento-di-nos-departamentonan/