Page 40 - flip min.on

Segun Parlamentario Sr. Jeffrey Kelly: Partido MEP mester
busca bon informacion prome cu cuestiona funcionamento
di nos departamentonan

 Feb 5th, 2015
 Politica

Den un articulo di partido MEP a toca e asunto di leerplicht (enseñansa obligatorio) y nos por a conclui cu
informacion eroneo ta wordo treci dilanti. Parlamentario Kelly ta lamenta cu cada biaha mester coregi mal
informacion cu ta bin dilanti na nos comunidad. Den e articulo aki por conclui cu MEP su pensamento ta lo
siguiente:
No por controla leerplicht, leerplicht no ta funcionando y leerplicht no ta wordo bon ehecuta. Ta link funcionamento
di leerplicht cu vandalismo, pelea y bendemento di droga rond di scolnan.
Meta di leerplicht
Leerplicht ta un meldpunt, miho bisa nan ta wordo informa ora ta trata “ongeoorloofd verzuim”, pa atende cu
muchanan cu ta keda cas pa un tempo largo sin un motibo valido of pa muchanan cu ta riba caya durante orarionan
di scol mientras cu nan tin les. Otro meta di leerplicht ta pa corda mayornan pa cumpli cu nan responsabilidad di
manda nan yiu scol. No ta trabou di bureau leerplicht pa evita vandalismo, pelea y bendemento di droga rond di
scolnan. Esey ta cay bou di ministerio di husticia.
Kico ta bayendo bon? Kico ta e desaroyonan desde cu a implementa esaki?
Enseñansa obligatorio a wordo introduci na aña 2011. Desde e tempo ey a cuminsa traha conhuntamente cu e
schoolbesturen y cabesantenan di scol pa asina tin un bon sinergia entre diferente actornan den nos Enseñansa.
Mayornan tin cu percura pa nan yiunan bay scol, scol ta percura pa e lista di muchanan cu ta keda cas y con hopi nan
ta keda cas y e director di scol ta avisa bureau leerplicht en caso cu tin muchanan cu ta desvia di regla. Prome cu a
introduci esaki, bureau leerplicht a percura pa conhuntamente cu e scolnan duna bon informacion na tur mayor.
Bureau leerplicht ta trahando en cooperacion cu departamento di polis y asina cu drenta un melding cu tin un mucha