Page 38 - flip min.on

Desde 26 di Januari 2015 carta di SKOA a cuminza yega den man di mayornan y esaki a causa un preocupacion
grandi cerka tur mayor incluyendo esnan cu tin solamente 1 yiu na scol, corda esnan cu tin 2, 3 of 4 yiu. Hopi ta
cuestiona e aumento di e schoolgeld diripente y asina drastico. E ta un decision hopi impactante, djis pensa por
ehempel e efecto riba e mayornan cu ta cobra minimumloon, cual ta bou e asina yama “bestaansminimum”. E
pregunta ta, a haci un investigacion na e porcentahe cu ya tin dificultad pa paga e 75.00 florin y busca un solucion
no pa yuda e mayor nan sino pa brinda e criatura un estudio, cual ta algo cu tur mucha na mundo tin derecho ariba
dje? Ariba dje mester paga 150.00 florin na aircogeld, esaki ta un suma total di 400.00 florin pa cada yiu. Sin conta
uniform y articulonan di scol cual ta un lista largo cu scol mes ta entrega na e mayor nan na comienzo di aña.

Gobierno di Aruba no tin ningun hustificacion pa corta den e subsidio na SKOA, ta unda nos placa di belasting ta
bay anto? E respuesta ta simpel, Gobierno di Aruba tin su prioridad nan completamente robez. E pro7ecto di Green
Corridor cu a wordo firma recientemente, tin prioridad ariba educacion? Esaki ta un señal cu kier mantene e pueblo
aki ariba un nivel abao? Cu ki fin? Ta critica mayornan bisando cu si no por paga e schoolgeld cu pakico a haya yiu,
den otro palabra cu e criatura nan aki di menos rescurso no merece di ta riba e mundo aki? Anto ora di campaña ta
cerka e mayornan aki boso ta bay buska voto! Foei Gobierno di Aruba, asina aki boso tin Aruba na pecho!! Dicon na
hermana isla Corsou si educacion basico ta gratis?

E consecuencia di e aumento aki lo ta uno impactante y na final di dia lo causa un dolor na e muchanan cu pa
motibo di esaki lo wordo stroba riba derecho di educacion. A introduci leerplicht, awor con e esaki lo funciona si e
mayor (nan) no por paga e suma aki? Lo duna e mayor (nan) aki un “boet”, awor si no tin ni pa paga e schoolgeld?
Esaki lo trece preocupacion y hopi mas stress pa mayornan cu atrobe lo ta consecuencia pa nos muchanan.

Prioridad aki na Aruba mester ta na prome lugar ‘Educacion’, na di dos lugar ‘Educacion’ y na di tres lugar
‘Educacion’!! Un Pueblo EDUCA tin e miho futuro, un futuro firme y solido.

http://masnoticia.com/simar-lo-bay-reuni-cu-minister-di-ensenanza-e-siman-aki-pa-papia-riba-varios-
punto/

Simar lo bay reuni cu Minister di Enseñanza e siman aki pa
papia riba varios punto

 Feb 5th, 2015
 Local